Спорт
Италијанците се жалат – „трагичен“ преоден рок за Серија А
Ариведерчи! Тоа е главниот мотив на летниот преоден рок во италијанската Серија А, каде што за разлика од другите топ 5 европски лиги, наместо да има големи засилувања, има вистински егзодус на големите имиња.
Иронично, ситуацијата доаѓа веднаш откако Италија стигна до фантастичен успех со титулата од Европското првенство, но Серија А наместо повторно како во минатото да биде место каде што големите ѕвезди сакаат да играат, продаде дел од своите најголеми ѕвезди.
ЏИЏИО ДОНАРУМА
Број 1 на италијанската листа на заминувања е можеби најдобриот светски голман, Џиџио Донарума, човекот кој беше прогласен за најдобар играч на ЕУРО 2020, и кој заминува во Пари Сен-Жермен како слободен играч, откако не успеа да се договори со Милан за продолжување.
АШРАФ ХАКИМИ
На Донарума во Париз му се приклучи и 22-годишниот Хакими, по само една сезона во италијанскиот шампионат. Интер плати 40 милиони евра на Реал Мадрид, и го продаде за 71 милиони евра.
РОДРИГО ДЕ ПАУЛ
Аргентинскиот репрезентативец Де Паул помина пет години во Удинезе, со вкупно 184 настапи и 34 гола, промовирајќи се во „мета“ на повеќе клубови. Тој минатата сезона беше капитен на „Фриули“, но сега ќе игра за Атлетико Мадрид, кои платија 35 милиони евра на нив.
КРИСТИЈАН РОМЕРО
Аталанта успеа да искешира 50 милиони евра за 23-годишниот централен бек од Аргентина, откако беше еден од најдобрите дефанзивци во Италија последните сезони. Клубот од Бергамо го купи Ромеро од Јувентус за 16 милиони евра, така што профитот е огромен.
РОМЕЛУ ЛУКАКУ?
Последниот голем трансфер, кој уште не е реализиран, е секако најавеното заминување на Ромелу Лукаку од Интер во Челси за над 100 милиони евра. Лукаку го направи тоа за што пристигна од Манчестер јунајтед, освојувајќи ја титулата од Серија А минатата сезона, но чувството дека „нераѕурите“ градат тим кој долгорочно може да му се спротистави на Јувентус, веќе го нема.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Само легендарните Брајан Клаф и Алекс Фергусон се пред Гвардиола
Манчестер Сити на Пеп Гвардиола не знае за пораз на последните 30 натпревари.
Во ерата на Премиер лигата, само Манчестер Јунајтед на Алекс Фергусон имаше подолга серија без пораз во една сезона во сите натпреварувања.
Граѓаните, синоќа убедливо го победија Брајтон на гости со 4:0 и тоа им беше јубилеен 30-ти последователен натпревар без пораз сезонава. Во оваа серија остварија 24 победи.
Од формирањето на Премиер лигата, само на Манчестер Јунајтед имале подолги серии. Во сезоната 1993/94 имале серија од 34 натпревари, а еден натпревар помалку во сезоната 1998/99.
Последен тим што ги победи „граѓаните“ сезонава (без изведување пенали) беше Астон Вила на 6 декември на „Вила Парк“ (1:0).
Најдолгата серија во историјата на англискиот фудбал ја има Нотингем Форест предводен од легендарниот Брајан Клаф, кога во историската 1978 година нанижа 40 натпревари без пораз во сите натпреварувања.
Спорт
(Видео) Јокиќ и Денвер победија во Лос Анџелес, Ембид постигна 50 поени во важната победа на Филаделфија
Актуелните шампиони Дебвер Нагетс победа ги дели од пласман во конференциското полугинале. Нагетс поведоа со 3-0 во серијата против Лос Анџелес Лејкерс. Третиот печ, на теренот на пртивникот го добија со 112:105. На Истокот, Филалделфија Севентисиксерс го намали резултатот во серијата против Њујорк Никс на 2-11, a Орландо Меџик повеоа со 3-0 против Кливленд Кавалирс. Филалделфија победи во третиот натпревар со 125:114, а Орландо со 121:83.
Никола Јокиќ одигра одличен натпревар, забележа 24 поени, 15 скока и девет асистенции. Јокиќ шутираше 9/13 од поле, а 6/7 од линијата за слободни фрлања.
Покрај Јокиќ, уште тројца играчи на Денвер имаа 20+ поени. Гордон постигна 29, Мареј 22, а Портер Јуниор 20 поени.
Во поразениот тим Дејвис беше најефикасен со 33 поени и15 скока, додека Џејмс заврши со 26 поени и девет асистенции. Целосно потфрли Дианџело Расел кој мечот го заврши со нула поени.
Џоел Ембид, актуелниот МВП на лигата, одигра одличен натпревар постига 50 поени, со 13-19 од поле и дури 19-21 од линијата за слободни фрлања. Ембид имаше и осум скока, четири асистенции и блокада, тимот со него на теренот имаше +16. Тајрис Макси беше одличен со 25 поени и седум асистенции, Оубре постигна 15, а Пејн 11 поени.
Во поразениот тим Џејлен Бренсон постигна 39 поени, Харт го следеше со 20, Ануноби постигна 17, а Хартенштајн 14 поени.
Орландо се на чекор до полуфиналето на Истокот. До убедливата победа над Кливленд ги предводеа Банкеро со 31 поен и 14 скокови, Сугс со 26 и Вагнер со 16 поени. Ален и Леверт постигнаа по 15 поени за Кливленд, додека Мичел мечот го заврши со 13 поени.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.