Спорт
Иванишевиќ: Новак е опасен за Западот, затоа не го сакаат
Тренерот на светскиот број 1 Новак Ѓоковиќ, хрватската тениска легенда Горан Иванишевиќ се врати дома и даде интересно интервју во ХРТ во кое зборуваше за тоа зошто на „Западот“ не го сакаат неговиот пулен, и покрај неговата доминација во светот на тенисот во последнтие години.
Во Мелбурн, Ѓоковиќ неколку пати беше критикуван од јавноста – прво откако тенисерите заглавија во хотел во карантин и тој побара да им се овозможат подобри услови, а потоа поради наводното „лажирање“ повреда во дуелот со Американецот Тејлор Фриц. Иванишевиќ вели дека се работи за глупости.
„Какво измислување на повреда? Човекот води 2:0 во сетови и би измислил повреда за да добие тенисер како Тејлор Фриц! Кога тоа го прават некои други, се зборува за херојски чин и се вели: ‘Секоја чест’. Но, на крајот тој успеа. Потроши многу енергија, му помогнавме да не се замара со тие работи. Тоа му даде дополнителен мотив и сила и се виде на теренот. Знаете, Западот не сака така моќен човек, кој има војска навивачи зад него и кој се дрзнува да го каже тоа што го мисли. Верува во своите мисли, и тоа е опасно за Западот. Тоа почна по првиот локдаун, преку Адрија купот, иако не знам што толку опасно се случи таму. Беше и ланскиот несреќен САД опен, па и лошото финале од Ролан Гарос. Сега, пак, му извадија приказна за лажирање на повреди“, вели Иванишевиќ.
Тој додава дека воопшто не му е тешко да работи со Ѓоковиќ.
„Се работи за ист менталитет, за ист јазик, и тоа помогнува во објаснувањето, во разговорите. Дури понекогаш не мораш да кажеш ништо, доволно е да се погледнеш. Балканците може да тренираат било кого, но Балканец не може да го тренира никој друг освен Балканец. Да знаете, кога вика на теренот, речиси секогаш вика по мене“, објаснува Иванишевиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг задоволен по победата над Шефилд Јунајтед
Фудбалерите на Манчестер Јунајтед со пресврт слаеа со 4:2 против нјлошиот тим во Премиер лигата, Шефилд Јунајтед на свој терен го пречекаа последно пласираниот Шефилд Јунајтед .
Славниот клуб двапати загуби, но на крајот успеа да победи. Тренерот на Јунајтед, Тен Хаг, по натпреварот рече дека неговиот тим одиграл добар натпревар,
„Имавме целосна контрола! Извинете, јас на поинаков начин г гледав натпреварот. Да, имавме две грешки, затоа двапати губивме. Зборуваме за две негативности, концентрација и дисциплина. Но, во остатокот од натпреварот имавме целосна контрола. Тимот покажа издржливост. Не е лесно кога губиш, но успеавме да направиме пресврт против компактен тим. Ги надигравме, бевме многу мирни“, изјави Тен Хаг и додаде:
„Мораме да го запреме тој процес. Вакви грешки не смее да се прават на врвно ниво ако сакаш да постигнуваш цели, ако сакаш трофеи. Не смеете да дозволите вакви пропусти во концентрацијата и дисциплината, бидејќи животот е многу полесен без нив.“
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.