Романскиот фудбалски стручњак Кристијан Киву (44) е назначен за нов тренер на Интер од Милано.

Киву потпиша договор со тимот од „Џузепе Меаца“ до 30 јуни 2027 година.

Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.

Киву поднесе оставка од тренерската позиција на Парма пред да биде назначен во Милано.

Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.

Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.

Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.

Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.

Фудбалската репрезетација на Македонија со победа се враќа од Астана. Македонија го победи Казахстан со 1:0. По четири одиграни натпревари Македонија има осум поени. Вечерва во нашата група во дербиот играат Белгија и Велс.

Без селекторот Благоја Милевски, кој го пропушти мечот поради суспензија, Македонија ја оствари целта во Казахстан.

Решавачкиот момент се случи во 33.минута кога Трајковски постигна убав гол.

!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);

Rumble(“play”, {“video”:”v6sc2td”,”div”:”rumble_v6sc2td”});

Казахстанците двапати ја погодија рамката на голманот, Максим Самородов во 58-та минута (греда) и 16-годишниот Дастан Сатпаев во 86-та минута (статива).