Кошаркарите на Зенит Петерсбург славеа фантастична 73:69 победа на гостувањето кај Анадолу Ефес на стартот на Евролигата, а најдраматично беше во Пиреја, каде што Олимпијакос „колабираше“ во последната четвртина за Жалгирис да стигне до драматична 68:67 победа.

Ефес и Зенит не успеаја да направат некоја значителна разлика во првите три четвртини од мечот, пред Зенит предводен од Кевин Пангос да слави во Истанбул. Канаѓанецот Пангос го заврши мечот со 23 поени и 7 асистенции, а Риверс додаде 14 поени. Кај Ефес, Мициќ имаше 17 поени, а првата ѕвезда Шејн Ларкин не настапи поради повреда.

Олимпијакос пак, имаше 11 поени предност на стартот на последната четвртина, но во неа успеа да погоди само осум поени за Жалгирис да ја „украде“ победата. Јокубаитис беше клучниот човек во финишот, кога постигна две слободни фрлања. Григонис со 15 и Ловерњ со 13 беа најдобри за Жалгирис, додека Хасна Мартин со само 12 поени беше најдобар за Олимпијакос.

ЕВРОЛИГА, 1.КОЛО

Анадолу Ефес – Зенит Петерсбург 69:73 (10:15, 16:11, 28:23, 15:24)

Олимпијакос – Жалгирис Каунас 67:68 (18:23, 19:11, 21:13, 9:21)

Макаби Тел Авив – Алба Берлин 80:73 (19:29, 30:12, 18:17, 13:15)

Барселона – ЦСКА Москва 76:66 (24:14, 17:19, 14:15, 21:18)

Валенсија – Асвел Лион 65:63 (18:17, 19:16, 13:14, 15:16)



Арсенал успеа да го исфрли Ливерпул во 1/16 финалето од Англискиот лига куп, откако по нерешените 0:0, во пенал серијата, ударот на Хери Вилсон, во својот прв старт за Ливерпул, заврши во рацете на Бернд Лено.

Во регуларните 90 минути, Арсенал имаше подобро прво полувреме, но „црвените“, предводени од новото засилување Диого Жота беа поактивни во второто, но на голот „топчиите“ го имаа супер-солидниот Бернд Лено.

Во другите два меча, премиерлигашите успеаја да загубат од второлигаши. Брентфорд, тимот кој загуби од Фулам во баражот за влез во ПЛ, со 3:0 го елиминираше лондонскиот клуб, додека Астон вила по одличниот старт на сезоната, загуби дома од Стоук со 0:1.

ЕФЛ КУП, 1/16 ФИНАЛЕ

Брентфорд – Фулам 3:0

Астон вила – Стоук 0:1

Ливерпул – Арсенал 0:0, 4:5 пен.

Во отсуство на Вардар, чиј меч со Пик Сегед беше одложен поради корона вирусот во унгарскиот тим, третото коло на Лигата на шампиони во средата не донесе изненадувања, откако Барселона, Кил и Кјелце ги потврдија фаворитските улоги за високи победи.

Гостувањето на Барса кај Нант на Кирил Лазаров беше прогласен за меч на неделата од страна на ЕХФ, но францускиот клуб делумно беше рамноправен противник во првото полувреме за да загуби со 27:35 (15:18) од Барселона, која сега има максимални три победи во групата Б заедно со Алборг и Веспрем. Дика Мем со 7 и Палмарсон со 6 гола беа најефикасни за Барса, додека за Нант, Пешмалбе имаше шест гола, а Лазаров запиша четири.

Кил, пак, во истата група се опорави од поразот од Нант во претходното коло, за 35:24 победа на гости кај Целје, а во групата А (каде што е и Вардар), Кјелце со 31:22 го победи Елверум.

ЕХФ ЛИГА НА ШАМПИОНИ, 3.КОЛО

ГРУПА А

Елверум – Кјелце 22:31 (11:18)

Пик Сегед – Вардар, одложено

Табела: 1.Флензбург 6, 2.Кјелце 4, 3.Мешков 4, 4.Елверум 2, 5.Порто 2, 6.Вардар 0, 7.ПСЖ 0, 8.Пик Сегед 0

ГРУПА Б

Нант – Барселона 27:35 (15:18)

Целје – Кил 24:35 (13:16)

Табела: 1.Веспрем 6, 2.Барселона 6, 3.Алборг 6, 4.Кил 4, 5.Нант 2, 6.Целје 0, 7.Мотор 0, 8.Загреб 0

WATCH: Some call it ‘team handball’ but, of course, you can also play the game all on your own… Well done, Rok #Ovnicek 💪#ehfcl #MOTW @HBCNantes @FCBhandbol pic.twitter.com/60tHQBSdO7

— EHF Champions League (@ehfcl) October 1, 2020

WATCH: Waiting for some in-flight brilliance? Here you go! Nice one, Josip Sarac! ✌@RKCPL @thw_handball #ehfcl pic.twitter.com/4ajTEuZVxN

— EHF Champions League (@ehfcl) October 1, 2020