Спорт
Јанг и Санчез беа стрелци, Интер ја демолираше Бреша (видео)
![](https://makfax.com.mk/wp-content/uploads/2020/07/Eb2-0BwWAAAcJVs.jpg)
Интер стигна до убедлива 6:0 победа над „фенерџијата“ Бреша, триумф обезбеден уште во првото полувреме од двајца поранешни фудбалери на Манчестер јунајтед, Ешли Јанг и Алексис Санчез.
Уште во петтата минута на „Сан Сиро“, Санчез фантастично му нафрли на Јанг, кој со фантастичен удар го совлада Џеси Јоронен. Во 20. минута од мечот, дојде ред на Санчез, кој беше прецизен од белата точка, пред Данило Д’Амброзио на асистенција на Јанг да зголеми на 3:0. Роберто Гаљардини во 52. минута зголеми на 4:0, за во 85. минута нововлезениот Кристијан Ериксен да зголеми на 5:0, пред и Антонио Кандрева да се запише во листата на стрелците во 88. минута.
Во дуел од средината на табелата пак, Болоња одигра 1:1 со Каљари. Домаќините дојдоа во водство во 45. минута од мечот преку Муса Бероу, пред Џовани Симеоне да израмни на самиот почеток на второто полувреме.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Нејмар падна на тестот
![](https://makfax.com.mk/wp-content/uploads/2024/09/Nejmar.jpg)
Бразилскиот фудбалер Нејмар не ја започна добро кариерата во Саудиска Арабија. Некогаш наречен „чудо од дете“, бразилскиот фудбалер Нејмар минатата сезона го напушти ПСЖ и за 90 милиони евра се пресели во Ал Хилал во Саудиска Арабија.
На Саудијците не им се исплатеше бидејќи Нејмар одигра само пет натпревари и вкупно 386 минути за Ал Хилал. Договорот му гарантира околу 300 милиони евра за две години, што значи дека секој негов натпревар чини 30 милиони евра…
Нејмар заработи тешка повреда на коленото, а опоравувањето трае многу подолго од очекуваното со оглед на тоа што Нејмар не тренира и по 11-месечна пауза од повреда на предните вкрстени лигаменти. Како што пренесуваат фудбалските медиуми, Нејмар паднал на тестот за физичка подготвеност во саботата и лекарската проценка е дека нема да може да игра уште два месеци.
Спорт
Сабаленка го осови Њујорк
![](https://makfax.com.mk/wp-content/uploads/2024/09/12491129.jpg)
Арина Сабаленка ја освои титулата на Ју-ес опен.
Белорусинката, во големото финале, по голема борба и 114 минути игра ја совлада шестата светска тенисерка Американката Џесика Пегула со 7:5, 7:5.
Сабаленка, во своето второ финале во Њујорк, ја освои првата титула на Флешинг Медоус. За девојката од Минска ова е трета Гренд слем титула во кариерата, две има во последните две години во Австралија.
Белорусинката во краток период ја победи Пегула, пред три недели таа ја победи во финалето на мастерсот во Синсинати.
Сабаленка ја потврди силата на бетон, ова беше нејзина 27. победа во 28 Грен слем меча на бетон во последните две години.
Спорт
(Видео) Англиските Ирци и пресудија на Република Ирска
![](https://makfax.com.mk/wp-content/uploads/2024/09/1725726879-GettyImages-2170696921.jpg)
Англија со победа над Ирска во Даблин ги започна натпреварите во Б дивизијата во Лигата на нации. Победата на Англија и ја донесоа Ирците, кои решија во сениорска конкуренцијата да го носат дресот на „гордиот албион“.
Деклан Рајс и Џек Грилиш во Дабил беа пречекани со транспарент кој ги споредува со змии. Двајцата постигнаа по еден гол, Рајс не го прослави за разлика од Грилиш.
🐍"YILANLAR GERİ DÖNDÜ"
İrlandalı taraftarların İngiltere maçında Declan Rice ve Jack Grealish'e gösterdiği tepki ters tepti.
🔔DEVRE: İrlanda 0-2 İngiltere
⚽11' Declan Rice
⚽26' Jack Grealish 🅰 Declan Rice pic.twitter.com/fayUiaY0HG— Sporx Ekstra (@sporxekstra_) September 7, 2024
Рајс, пред да дебитира за Англија во 2019 година, одигра три натпревари за Ирска. Сега постигна гол на стадионот на кој во 2018 година играше во дресот на Ирска против САД. Грилиш играше за младинските селекции, У18 и У21 на Ирска. Неговата мајка е од Ирска, но тој реши го прифати повикот од Англија.