САД опен оваа година ќе се оддржат без актуелниот шампион, Рафаел Надал, кој потврди дека нема да патува во Њујорк за гренд слем турнирот поради корона вирусот, и во исто време го нападна ревидираниот тениски календар како „варварски“.

„По повеќе размислувања решив да не играм на САД опен. Ситуацијата во светот е компликувана, случаите на КОВИД-19 раснат и излега дека уште немаме контрола над тоа. Знаеме дека намалениот тениски календар е варварски оваа година по четири месеци пауза, но ги сфаќам напорите кои се прават за да има тенис. Мадрид нема да се игра оваа година“, вели Надал.

Веднаш по САД опен во Њујорк ќе следува преместениот Ролан Гарос, каде што Надал има освоено 12 трофеи.

„Ова не е одлука која ја правам лесно, но решив да го следам срцето и засега да не патувам“, вели Надал.

Бидејќи Роџер Федерер нема да игра по операцијата на коленото, САД опен ќе биде првиот гренд слем од 1999 година во кој во главната ждрепка не се ниту Надал, ниту Федерер.

After many thoughts I have decided not to play this year’s US Open. The situation is very complicated worldwide, the COVID-19 cases are increasing, it looks like we still don’t have control of it.

— Rafa Nadal (@RafaelNadal) August 4, 2020

We know that the reduced tennis calendar is barbaric this year after 4 months stopped with no play, I understand and thank for the efforts they are putting in to make it happen. We have just seen the announcement of Madrid not being played this year.

— Rafa Nadal (@RafaelNadal) August 4, 2020

Портланд трејлблејзерс повторно одиграа тесен натпревар, но успеаја да стигнат до 110:102 победа над Хјустон рокитс, предводени од Дејмијан Лилард, Кармело Ентони и Јусуф Нуркиќ.

Лилард беше лидер на Портланд со 21 поени, додека Кармело Ентони прво на 104:102 погоди тројка, а потоа во финишот и слободното фрлање со кое се поставија конечните 110:102. Босанскохерцеговскиот џин Јусуф Нуркиќ имаше 18 поени, но и неверојатни 19 скокови во победата на Блејзерси.

Тесна победа оствари и Бруклин нетс над лидерот на Источната конференција, Милвоки бакс (119:116), откако МВП на лигата Јанис Адетокумбо играше само во првото полувреме за Бакси. Бруклин беа фантастични во првото полувреме во кое погодија 13 тројки и по првите 12 минути имаа +6 предност. Адетокумбо играше 16 минути во првото полувреме, а во второто воопшто не влезе во игра.

Фулам им се приклучи на Лидс јунајтед и Вест Бромвич Албион во премиерлигашкото „друштво“ следната сезона, откако со двата гола на Џо Брајан во продолженијата стигнаа до тешко извојувана 2:1 победа над Брентфорд на „Вембли“.

Мечот кој носи огромна финансиска награда за победникот и членство во најбогатата фудбалска лига на светот, не беше одлучен во првите 90 минути, откако мируваа мрежите на двете страни. Фулам беше четврт во Чемпионшип, додека Брентфорд го имаа освоено третото место.

Клучниот момент се случи во 105. минута, кога Џо Брајан се местеше за слободен удар од огромна далечина, и кога сите (вклучувајќи го и шпанскиот голман на Брентфорд, Давид Раја) очекуваа нафрлање, тој ја смести топката во мрежата. Соништата на Брентфорд за пресврт беа уништени во 117. минута, кога дефанзивецот Брајан го постигна својот втор гол по убава акција на Фулам. Брентфорд во 124. минута од мечот, успеаја да намалат на 2:1 преку Хенрик Далсгард намалија на 1:2, но веќе беше предоцна.

Joe Bryan surprend David Raya !pic.twitter.com/xcWa39M7C6

— FR – EFL Championship (@freflchamp) August 4, 2020

2-0 Fulham Joe Bryan again and that should be them back up to the Premier League. Game too far for Brentford pic.twitter.com/EyqKGIWLfj

— Ollie Glanvill (@OllieGlanvill) August 4, 2020