Спорт
Јохан Кројф и финалето од 1992 – моментот кој го смени модерниот фудбал (видео)
Пред 18 години, Барселона на Јохан Кројф го доби европското финале на „Вембли“ против Сампдорија, во меч кој според многу фудбалски експерти го смени фудбалот засекогаш.
Во соблекувалната на „Вембли“ пред финалето, фудбалерите на Барса, меѓу кои и младиот Пеп Гвардиола беа супер-нервозни, бидејќи, конечно, требаа да ја отстранат репутацијата на каталонскиот клуб како „вечен втор“. Покојниот Јохан Кројф, кој секогаш бил полн со тактички совети им кажал само: „Излезете и уживајте“.
Пред Кројф да стане тренер на Барса во 1988 година, клубот имаше 10 лигашки титули и нула европски титули во 89-годишната историја. Оттогаш, во 32 години, клубот освои уште 16 шпански круни и пет европски титули.
Неговиот осум години како главен во Каталонија поставија ракма за убав за око напаѓачки фудбал, правејќи тивка револуција во фудбалот, која подоцна ја примени и Пеп Гвардиола, но и шпанските селектори.
Помошникот на Кројф, Карлес Рексач ја опиша 1:0 победата над Сампдорија како „ослободување“.
„Имаше многу луѓе кои едвај чекаа повторно да не успееме. Но, добивме втор живот“, изјави Рексач.
Кројф претходно во 1991 година, конечно, го донесе шпанскиот трофеј во Каталонија по шест години, но европската титула остана „грал“ во Каталонија. Во петте претходни обиди, Барса стигна трипати до полуфиналињата и двапати во финалињата, губејќи на пенали од Стеауа Букурешт во 1986 година.
До европската титула не се стигна лесно. Барселона доминираше со поседот на топката, но одбраната на Сампдорија изддржа до 22. минута во продолжението, кога Роналд Куман од слободен удар ја донесе победата.
„Тоа беше почетокот на големите работи“, изјави Куман минатата година, додека Кројф во својата автобиографија беше краток: „По четири години, мојата мисија беше остварена“.
Но, тоа беше само почеток – под Пеп Гвардиола, тактиката на фудбал со доминација на посед на топката беше усовршена, но Пеп исто така имаше корист од славната „Ла масија“, академијата на Барса, каде што се учеше овој тип на фудбал – Кројф нареди секоја возрасна група од школата да работи со иста тактика.
Оваа филозофија на Кројф се „сруши“ во 1994 кога Милан под Фабио Капело ги победи со 4:0 во финалето на ЛШ, но 13 години подоцна, Гвардиола донесе нов трофеј и доказ дека тактиката е вистинска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.