Спорт
Јокиќ и Мареј го урна шампионот, Дончиќ блескаше во поразот на Далас
Денвер Нагетс ја прекинаа победничката низа на Лос Анџелес Лејкерс со убедлвата победа од 122:105. Ова е прв пораз на Лејкерси по серијата од седум победи, а во исто време Денвер победија по серијата од три порази.
Денвер до триумфот го предводеше Никола Јокиќ со трипл-дабл од 23 поени, 16 скока и 10 асистенции. За Јокиќ ова е шестти трипл-дабл оваа сезона, вкупно 53. во кариерата. Најефикасен кај Нагатес со 25 поени беше Џамал Мареј.
Кај Лејкерс се истакна Леброн Џејмс со 22 поени, 10 скока и девет асистенции.
Шампионите кон крајот на вториот период останаа без Ентони Дејвис, кој го напушти теренот поради повредата на Ахиловата тетива.
Портланд, во исклучително драматичен натпревар, победија во Далас 121:118. На Далас не им помогна ниту Лука Дончиќ, кој одигра бирлијантен натпревар, постигна 44 поени на кои придодаде седум скока и девет асистенции. Словенецот во последниот напад не успеа да погоди за три поени и да му обезбеди на својот тим дополнителни пет минути.
Портланд го предводеше Демијан Лилард со 34 поени и 11 асистенции. Лилард, во финишот, постигна седум од деветте поени на својот тим.
Резултати:
Шарлот-Сан Антонио 110:122
Детроит-Њу Орлеанс 123:112
Торонто-Минесота 112:116
Оклахома-Милвоки 114:109
Финикс-Орландо 109:90
ЛА Клиперс-Кливленд 128:111
Сакраменто-Мемфис 110:124.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.

