Спорт
Јокиќ постигна тројка за победа, а Леброн Џејмс стигна до 38.000 поени во НБА-лигата
Српскиот центар Никола Јокиќ повторно ја потврди класата. Тој се врати на теренот по пауза од еден меч поради повреда на раката и веднаш блесна во полн сјај. Двојниот МВП играч им донесе победа на Денвер Нагетс со 119:116 над Орландо Меџик во НБА караванот со тројка на две десетинки пред крајот на натпреварот.
Џамал Мареј го предводеше последниот напад за актуелниот водечки тим на Западот на 15 секунди до крајот. Тој ја додаде топката до Јокиќ, кој успеа од тешка позиција да погоди тројка за шеста последовна победа на Денвер, осма во последните девет натпревари.
Српскиот ас го заврши натпреварот со својот 12. трипл – дабл сезонава. Имаше 17 поени, 14 асистенции и 10 скока.
По вторпат во два дена, Портланд Трејлблејзерс го совладаа Далас. Овојпат работата им беше олеснета бидејќи Лука Дончиќ не играше, а резултатот беше 140:123.
Тимот од Тексас издржа до последниот дел кој Портланд го доби со 42:28. Лилард беше најдобар со 40 поени, три скока и шест асистенции. Нуркиќ за 20 минути имаше исто толку поени со четири асистенции и четири скока.
Во редовите на Далас во отсуство на Дончиќ, Динвиди постигна 28, Харди уфрли 25, а Вуд 23 поени.
Филаделфија предводена од Ембиид беше подобра од ЛА Лејкерс во Лос Анџелес 113:112 во исклучително интересен натпревар. Центарот од Камерун постигна 35 поени, додека Харден имаше 24 поени и 13 асистенции.
Леброн Џејмс повторно беше одличен. Тој стигна до 35 поени, 10 скока и осум асистенции, со што стана вториот кошаркар по Карим Абдул Џабар во историјата на НБА кој постигнал над 38.000 поени, но сето тоа не беше доволно за победа на неговиот тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.