Спорт
Јокиќ со трипл-дабл против Филаделфија, Дончиќ ја прекина лошата низа на Далас

Никола Јокиќ и Лука Дончиќ ги предводеа своите тимови до победи над Филаделфија односно Индијана, изминатата ноќ во НБА лигата. Денвер Нагетс се лидери на Западот, додека Далас ја прекина лошата низа и остана во трката за пласман во плеј-офот.
Денвер со Јокиќ ја победи Филаделфија без Џоел Ембид со 116:111. Денвер имаа предност од 20 поени во последната четвртина, гостите на 13 секунди до крајот дојдоа до 114:111, а точка на мечот стави Џеф Грин од линијата за слободни фрлања.
Јокиќ го предводеше Денвер со трипл-дабл од 29 поени, 17 скока и 12 асистенции. За актуелниот МВП ова беше 29. трипл-дабл во сезоната и 105. во кариерата.
Во отсуство на Ембид, Филаделфија ја предводеше тајрис Мекси со 29 поени. Ембид не играше поради повреда на листот. Интересно од 2019 година, Ембид нема настап во арената на Денвер.
Далас Маверикс низата од четири порази ја прекинаа во Индијанаполис. Мевс славеа над Индијана со 124:107.
Лука Дончиќ го предводеше Далас со 25 поени (8-17 од поле), седум скока и шест асистенции, а Кајри Ирвинг постигна 16 поени (7-11 од поле).
Бенедикт Матурин постигна 26 поени (9-19 од поле) за ослабената Индијана која настапи без најдобрите играчи Халибартон, Тарнер и Хилд.
Резултати:
Детроит – Милвоки 117:126
Индијана – Далас 104:127
Њујорк – Хјустон 137:115
Јута – Феникс 103:117
Денвер – Филаделфија 116:111
Портланд – Њу Орлеанс 90:124
Сакраменто – Минесота 115:119
ЛА Клиперс – Чикаго 124:112
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ерлинг Халанд експресно до 50 голови во ЛШ

Норвежанецот Ерлинг Халанд постави уште еден рекорд, кој тешко дека некој ќе го достигне во блиска иднина.
Водечкиот гол за Сити против Наполи го постигна Ерлинг Халанд во 56-та минута. Тој ја искористи асистенцијата на Фил Фоден и го спречи дотогаш извонредниот голман на Наполи Вања Милинковиќ Савиќ.
Тоа беше јубилеен 50-ти гол на Норвежанецот во Лигата на шампионите, со што постави нов рекорд. Дојде до 50 голови во елитното натпреварување најбрзо во историјата на натпреварувањето, му беа потребни само 49 натпревари.
Халанд се изедначи со легендарниот Французин Тиери Анри на листата на најдобри стрелци во Лигата на шампионите на сите времиња. Тие го делат деветтото и десеттото место со по 50 гола.
Норвежанецот е сè уште далеку од најдобрите стрелци во ова натпреварување, но има само 25 години и времето работи за него…
Foto/ EPA
Спорт
„Црвениот картон го уништи натпреварот, жал ми е што го заменив Де Брујне“

Тренерот на Наполи, Антонио Конте, не го криеше своето разочарување по поразот на неговиот тим (0:2) од Манчестер сити на „Етихад“ во првото коло од Лигата на шампионите.
Италијанскиот шампион со големи амбиции пристигна на натпреварот со „Граѓаните“, откако претходно ги забележа сите победи во Серија А, но раниот црвен картон на Џовани Ди Лоренцо ги чинеше подобар резултат во Англија.
Капитенот на Наполи доби директен црвен картон во 21-та минута, што имаше доста влијание врз текот на играта. Сити победи со головите на Ерлинг Халанд и Џереми Доку во второто полувреме.
„Чувствувам горчлив вкус во устата. Имам впечаток дека и играчите се чувствуваат така, бидејќи сите сме разочарани. Се подготвувавме за натпреварот како што сакавме да играме во првите 20 минути, а црвениот картон го уништи натпреварот. Дали беше оправдан црвен или не, не знам… Но, секако беше тешко да се игра со Манчестер и со еднаков број на играчи на теренот. По црвениот картон, беше невозможно. Да останевме со 11 играчи на теренот, немаше да им биде лесно“, рече Конте.
Очигледно, пресвртницата во натпреварот беше црвениот картон на Ди Лоренцо, кој го остави Наполи со играч помалку поголемиот дел од натпреварот. Таквиот развој на ситуацијата го принуди Конте да го замени Кевин Де Брујне од теренот за да создаде рамнотежа во тимот.
„Понекогаш ѓаволот се меша, има суров пресврт на судбината. Минатата година имавме само еден црвен картон. Денес играме во Лигата на шампионите, а по дваесет минути сме со играч помалку. Ми беше жал што го заменив Кевин немаше задоволство да игра на својот стар стадион против својот поранешен клуб.“
Foto/ EPA
Спорт
Само шест клуба во Европа имаат полни стадиони

Само шест клуба во Европа ги распродадоа стадионите од почетокот на сезоната на секој натпревар што го играа.
Дури четири екипи доаѓаат од Германија, која очигледно има најлојални навивачи. Еден од нив е најдобриот тим во оваа земја, Баерн Минхен, кој досега играше против Лајпциг, Хамбургер и Челзи на домашен терен. Сите натпревари Баварците ги одиграа пред 75.024 гледачи, колку што може да собере величествениот стадион на германскиот шампион.
Со фантастична посета може да се пофали и Борусија Дортмунд и покрај тоа што досега одигра само еден меч пред домашната публика. Капцитетот на стадионот во Дортмунд изнесува 81.365 седишта.
Уште два германски клуба се во оваа категорија, Хајденхајм (капацитет на стадионот 15.000 седишта) и Сент Паули (29.546 седишта).
Уште два европски клуба се протнаа во тоа друштво. Првиот е англискиот гигант Арсенал, чии „Емирати“ имаа максимален број посетители во дуелите против Лидс и Нотингем Форест, по 60.704 гледачи.
Другиот е од Холандија, НЕЦ Најмеген, чиј „Гоферстадион“ беше полн во дуелите против Екселсиор, Бреда и ПСВ, со капацитет од 12.650 седишта.