Репрезентацијата на Норвешка го освои бронзениот медал на 14 Европско првенство во ракомет. Во „малото финале“, Норвешка со доминантна игра ја победи Словенија со 28:20. Ова е прв недал од европските првенства за Норвешка.

Норвешка собра сили, по синоќешниот шокантен пораз од Хрватска и целиот бес го истурија врз Словенците.

Словенија на овој меч само еднаш имаше предност, 2:1 на самиот почеток, останатиот дел од мечот им припадна на Норвежаните иако Словенците се држеа во првиот дел. Норвешка на полувреме имаше предност од три гола.

Во вториот дел Словенците не може да го испратат ритамот што го наметнаа Норвежаните. Предност растеше до максималните девет гола.

Мечот го обележаа голманите на двете репрезентации Бергеруд (Норвешка) и Ферлин (Словенија) со по 14 интервенции.

Најефикасни кај Норвешка беа Јондал со седум, Бјорнсен со пет, односно Сагосен и Јоханесен со четири гола. Словенија ја предводеа Бомбач со пет и Мацковшек со четири гола.

Големото финале на Европското првенсто ќе се одигра утре помеѓу Хрватска и Шпанија од 16.30 часот.

foto/epa

Македонскиот репрезентативец Иван Тричковски ја продолжи голгетерската серија во првенството на Кипар. Тричковски постигна два гола за АЕК Ларнака во победата над АЕЛ 3:1.

Тричковски двата гола ги постигна од белата точка, во 15 и 54 минута. Третиот гол за АЕК го постигна играчот кој што го замени Тричковски, Акоран. АЕЛ единствениот гол го постигна преку Рубен Хурадо во 40 минута.

Тричковски е прв стрелец во шампионатот со 17 гола.

Тренерот на Пари Сен Жермен Томас Тухел потврдил дека играч на неговиот тим Лајвин Курзава е блиску до трансфер во Јувентус. Во спротивна насока, на местото на Курзава, ќе прстигне Матија Де Шиљо.

„Лекип“ во петокот најави дека ПСЖ и Јувентус подготвуваат размена. Дека не станува збор за шпекулација потврди и тренерот на францускиот шампион.

„Јас ја одобрив оваа размена. Меѓутоа се уште ене ништо официјализирано. Курзава нема да биде во составот против Лил“, рекол Тухел.

Француските медиуми тврдат дека Курзава веќе си ги собрал работите од соблекувалната на ПСЖ.

Наводно трансферот го кочи Јувентус будејќи покрај размената барале и пари за да го пуштат Де Шиљо во Париз.