Спорт
Јунајтед го пушти Рашфорд порано во академијата поради сиромаштијата
 
																								
												
												
											Маркус Рашфорд откри дека Манчестер јунајтед му дозволил да ѝ се приклучи на славната академија една година предвреме кога мајка му ги објаснила тешките услови во кои растел тој.
Рашфорд во текот на пандемијата на коронавирусот ѝ помогна на добротворната организација „Фер шер“ да подели 3 милиони оброци на сиромашни деца во Велика Британија и во неделата прати отворено писмо до владата да не се сопре програмата со ваучери за храна, со кои досега се гарантира дека децата ќе добиваат храна додека училиштата се затворени.
Во ова писмо Рашфорд ја објасни својата економска ситуација како дете и како Јунајтед му дозволил да влезе во академијата на 11 наместо на 12 години.
„Мојата мајка ме израсна како самохран родител и имаше пет деца, кои живееја со неа. Програмата што ја почнав на 11 години требаше да почне од 12 и со неа добив сместување поблиску до тренинг-центарот и ново училиште. Морав да јадам исправно, да бидам поблиску до соиграчите. Затоа почнав порано во академијата за да ѝ помогнам на мојата мајка со ситуацијата во која бевме. Мојата мајка се трудеше, одевме во продавница, која се викаше ’Свет за фунта’, каде што сè чинеше под една фунта. Ќе нарачавме седум јогурти и секој ден имавме по еден. Има семејства што се како моето, кои имаат четири или пет деца и кои немаат контрола. Не се работи за политика, туку за хуманост“, вели Рашфорд.
An Open Letter to all MPs in Parliament…#maketheUturn
Please retweet and tag your local MPs pic.twitter.com/GXuUxFJdcv
— Marcus Rashford (@MarcusRashford) June 14, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
Драматична победа на Вардар во дербито против Силекс
 
														Вардар и по 11-то коло остана лидер на табелата во Првата македонска фудбалска лига и единствен е без пораз во досегашнуот тек од сезоната.
Вардар во дербито на колот го обеди Силекс со 2.1. Со оваа победа, „црвено-црните“, се лидери на табелата со 27 поени, еден повеќе од Струга, три во однос на Шкендија и шест во однос на Силекс.
Жестоко и во добро темпо започна дербито во Скопје. Во првите 15 минути беа постигнати два гола. Омерагиќ погоди за Врадар во осмата минута, а во 14-та изедначи Хрвановиќ.
Во вториот дел, во 85-та минута црвен картон доби голманот на Силекс, Џеков. Невнимателно тој направи фаул врз Салиу надвор од шеснаесетникот.
Победата Вардар ја обезбеди во 100-та минута, кога од пенал погоди Мато. На пеналот му претходеше играње со рака на Ефтимов.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6yv21o”,”div”:”rumble_v6yv21o”});
Табела:

Фото/ фк вардар
Спорт
Се подготвуваат три големи трансфери во НБА
 
														Најдоверливиот кошаркарски новинар Шамс Чаранија зборуваше за можноста некои НБА суперѕвезди да заминат од своите клубови.
Сезоната започна, преговорите за разменiи се во тек и ќе траат до февруари.
Чаранија беше гостин во емисијата „Флагрант подкаст“ и беше замолен да коментира кои играчи би можеле да го сменат тимот до следното лето.
Тој започна со Јанис Адетокумбо и Тре Јанг, пред да ја елаборира ситуацијата со плејмејкерот на Атланта.
„Тре не го обнови договорот, му останува уште една година, слободен ќе биде следното лето. Може да остане во Атланта, но пазарот е отворен за него“, вели Чаранија.
Тој ја спомена можноста Леброн Џејмс да ги напушти Лос Анџелес Лејкерс.
„Сè уште не знаеме каде ќе оди Леброн, дали ќе ја заврши кариерата со Лејкерс, дали ќе се пресели некаде. Мислам дека сето тоа во моментов е во магла, дури ни самиот Леброн не го знае тоа сè уште“, додаде новинарот на „ESPN“.
Спорт
Дукати најде замена за Маркез во Супербајк
 
														Овогодишниот вицешампион во Супербајк, Николо Булега ќе го замени Марко Маркез на последните две трки од сезоната, во Портимао и Валенсија.
Макез, деветкраен светски шампион ја заврши сезоната по инцидентот на Големата награда на Индонезија, во кој се здоби со фрактура на клучната коска и оштетување на лигаментите.
Дукати минатата недела потврди дека Маркез ќе го пропушти не само финалето на сезоната, туку и предсезонските тестови во Валенсија два дена по последната трка од сезоната.
Шпанецот беше заменет од тест возачот Микеле Пиро на трките во Австралија и Малезија, а одлуката да му се даде можност на Булега да дебитира беше донесена откако ги заврши тестовите во Херез оваа недела.
За Италијанецот, Големата награда на Португалија, која се одржува од 7 до 9 ноември, ќе биде негово деби во кралската класа, откако имаше вкупно 99 стартови во пониските класи, со два подиума.
Булега беше најавен уште порано како засилување за тест тимот на Дукати, особено поради фактот што има искуство со гумите на Пирели, кои ќе пристигнат во кралската класа од 2027 година.
Италијанскиот тим имаше можност да организира приватен тест за Булега и покрај отстапките, бидејќи Херез е патеката на која влезе Дукати, а Италијанецот не е еден од стандардните возачи.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											