Спорт
Јунајтед ќе му плати на Мегваер за да го напушти клубот

Манчестер јунајтед по секоја цена сака да се ослободи од услугите на Хари Мегваер. Клубот е подготвен да го исплати Мегваер за тој да го напушти клубот.
Во 2019 година, Хари Мегваер пристигна во Манчестер јунајтед од Лестер за рекордни 80 милиони фунти. Сепак, престојот на најскапиот дефанзивец на светот на „Олд Трафорд“ се претвори во вистински кошмар од кој немаше излез.
Правеше комични грешки, стана предмет на потсмев ширум светот, а навивачите дури му се закануваа со бомби доколку не го напушти клубот.
Сепак, тој и покрај се остана во клубот. Тој има уште две години од договорот вреден 190.000 фунти неделно, но Манчестер јунајтед има намера да се ослободи од него веќе на крајот на сезоната.
Клубот на 30. годишниот дефанзивец ќе му понуди 10 милиони фунти за раскин на договорот. Ќе добие пари и ќе може да го напушти клубот без обесштетување.
Понудата е на маса. Сега се чека одговорот на Мегваер, но проблемот е што тој претходно изјави дека сака да остане на „Олд Трафорд“ и да се бори за своето место во тимот.
Оваа сезона, Мегваер започна само 16 од 61 натпревар на „црвените ѓаволи“. Се шпекулира дека тој би можел да ја продолжи кариерата во Серија А.
Хари Мегваер одигра вкупно 175 натпревари во дресот на „црвените ѓаволи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(ВИДЕО) Серхио Рамос си даде автогол, Барса ја победи Севилја

Барселона оствари минимален успех над Севилја славејќи со 1-0. По ова каталонскиот тим се наоѓа на врвот на табелата со бод предност пред Џирона.
Барселона долго се обидуваше да го скрши отпорот на Андалузијците, а во 76.минута автогол си постигна Серхио Рамос. Тој сакаше да блокира, а топката заврши во мрежата на Севилја.
Спорт
(ВИДЕО) Борусија Дортмунд го победи Хофенхајм

Борусија Дортмунд оствари триумф на гости против Хофенхајм со 1:3 и се искачи на првата позиција на табелата во Бундеслигата.
Никлас Фулкруг во 18.минута донесе предност за „милионерите“, но израмни Андреј Крамариќ од пенал само седум минути подоцна.
Сепак, Борусија Дортмунд замина на одмор со водство од 1:2 откако во 45.минута погоди Марко Ројс.
Во финишот од мечот, во судиското продолжение, Џулијан Риерсон го постави конечниот епилог на овој меч.
Спорт
Лисандро Мартинез ја обнови повредата, го чека долга пауза

Аргентинскиот фудбалер Лисандро Мартинез долго време ќе отсуствува од фудбалските терени.
Веста ја потврди неговиот клуб Манчестер јунајтед на официјалниот сајт.
„Лисандро Мартинез ќе паузира подолг период поради влошување на повредата на стапалото која го мачи од април, а која ја обнови на неодамнешниот натпревар против Арсенал. Сега му треба одреден период на рехабилитација и ќе отсуствува подолг период“.
И покрај повредата на мечот со Арсенал, Аргентинецот сепак ги одигра натпреварите против Баерн и Брајтон, а според англиските медиуми сега го очекува пауза од најмалку два месеци.
Јунајтед ќе биде и без бекот Серхио Регилон за саботниот натпревар против Кристал Палас на „Олд Трафорд“.
Сепак, кај него не се работи за сериозна повреда и наскоро ќе му биде на располагање на Ерик тен Хаг.