Спорт
Кадровски проблеми во ПСЖ пред дербито со Лил

Актуелниот шампион на Франција, Лил, утре ќе гостува во Париз кај ПСЖ. Во пресрет на натпреварот, тренерот на ПСЖ, Маурицио Покетино, се соочува со сериозни кадровски проблеми.
Аргентинецот тимот ќе го составува без четворица играчи од првиот тим. Ашраф Хакими е суспендиран поради црвениот картон од минатиот викенд. Леандро Паредес подолго време се мачи со повредата.
Марко Верати се повреди против Олимпик Марсеј и тој ќе отсуствува четири недели.
Најголемиот хендикеп за Покетино ќе биде отсуството на Килијан Мбапе. Напаѓачот има вирусна инфекција, на тренинзите ќе им се врати од понеделник. Во клубот веруваат дека ќе биде подготвен за дуелот со Лајпциг во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Саул го одби Трабзон, се сели во Фламенго

Саул Нигез по 17 години го напушти Атлетико Мадрид. Играчот, кој претходната сезона ја мина на позајмица во Севилја, спогодбено се раздели со клубот од „Метрополитано“.
Саул како слободен играч се очекуваше да се пресели во Трабзон. Во неделата, турскиот клуб испрати авион по него во Мадрид, но тој одби да отпатува во Турција. Медиумите објавија дека во договор со семејството решил да го одбие Трабзон.
Сепак причината била поинаква. Саул кариерата ќе ја продолжи во најбогатиот бразилски клуб Фламенго.
Там тренер ќе му биде поранешниот соиграч од Атлетико, Фелипе Луис.
Фото/ Принтскрин
Спорт
По Синер, и Ѓоковиќ и Алкараз го откажа настапот во Торонто

Шпанската тениска ѕвезда Карлос Алкараз ќе го пропушти АТП Мастерсот во Торонто, кој започнува во недела. Петкратниот освојувач на Гренд слем турнири го објави ова преку социјалните мрежи.
Претходно, настапот во Торонто го откажаа првиот тенисер во светот Јаник Синер, петтиот Џек Дрејпер и рекордерот Новак Ѓоковиќ, инаку шести на АТП листата.
„По многу недели континуирано натпреварување без пауза, не можам да играм во Торонто оваа година. Имам мали мускулни проблеми и треба да се опоравам физички и психички за она што следи во сезоната. Многу ми е жал за турнирот и за моите фанови во Канада. Се гледаме следната година“, објави Алкараз преку социјалните мрежи.
Третиот тенисер во светот, Германецот Александар Зверев, кој сега е прв носител, се чини дека има отворен пат до победа. По раната елиминација од Вимблдон, Зверев откри дека имал ментални проблеми и објави дека нешто во него мора да се промени.
Турнирот во Торонто ќе се одржи од 27 јули до 7 август.
Спорт
Нено Димитријевиќ се враќа во Русија

Репрезентативецот на Македонија, Ненад Димитријевиќ, ќе ги напушти редовите на Олимпија Милано и ќе се врати во руската лига, тврдат италијански инсајдери.
Новинарот Андреа Калцони објави дека Димитријевиќ ќе потпише двегодишен договор за вкупно три милиони евра со Зенит. Пред да дојде во Италија, 27-годишникот играше за Уникс, со кого ја освои ВТБ лигата во 2023 година.
Според Калцони, Олимпија ќе му плати на Димитријевиќ 500.000 евра, што треба да претставува разлика во договорот и на тој начин Димитријевиќ ќе стане слободен агент.
Димитријевиќ беше MВП на Суперкупот на Италија, кој Армани го освои во 2024 година, а во последната сезона во Евролигата имаше просек од 7,6 поени, 1,6 скока и 2,9 асистенции по натпревар.
Foto/ X