Спорт
Кајри ја растури Јута, Лејкерси тешко со Мемфис
Бруклин Нетс и без Кевин Дурент лесно излегоа на крај со Јута Џез. ЛА Лејкерс, се изнамачија на гостувањето во Мемфис, Сан Антонио Спарс ги изненадија ЛА Клиперс, додека Чикаго Булс славеа кај фаворизираните Портланд.
Бруклин и без Дурент, кој е во седум деневен карантин, ја прегазија Јута. Кајри Ирвинг го предводеше својот тим. Тој ги погоди првите осум шутеви, мечот го отвори со 20 поени, а Нетс имаа предност од 19 поени по првиот дел. На крајот Ирвијнг забележа 29 поени, Крис Леверт 24, а Џерет Аленс имаше 19 поени и 18 скокови.
Лејкерси славеа во Мемфис 94:92, а победата ја обезбедија во последните две минути, кога Леброн Џејмс и Ентони Дејвис направија мини-серија од 6:0.
Леброн забележа 26 поени, 11 скокови и 7 асистенции, а Дејвис 26 поени, 10 скока и 4 асистенции.
Сан Антонио во Лос Анџелес ги победија Клиперси со 116:113. Спарс имаа 19 поени предност по првиот дел, меѓутоа домаќините во третата четвртина се доближија на само поен негатива. Со серија од 11 поени на почетокот на последниот период Спарс ја обезбедија победата.
Пети Милс постигна 27 поени, а Дежонте Мареј 21 за Сан Антонио, додека кај Клиперс се истакна Каваи Ленард со 30 поени и 10 асистенции.
Чикаго Булс, без неколкумина стандардни играли, успеаја да победат во Портланд 111:108. Коби Вајт со 21 поен и 10 скока, односно Ото Портер со 19 поени и 13 скокови го водеа тимот до победата. Вообичаено најефикасни во редовите на Портланд беа Демијан Лилард со 26 и Си-Џеј Мекалум со 24 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Атлетико остана без Ле Норман
Фудбалерот на Атлетико Мадрид, Робин ле Норман, го повреди левото колено на натпреварот против Унион Сен Жилоа во Лигата на шампионите, објави денес неговиот клуб.
Атлетико Мадрид го победи Унион со 3:1, а Ле Норман се повреди во средишницата на првото полувреме, по дуелот со Адем Зорган.
Клубот објави дека станува збор за сериозна повреда на левото колено, но дека не се оштетени лигаментите и менискусот.
Атлетико не соопшти колку долго 28-годишниот дефанзивец ќе биде надвор од терените.
Спорт
Црвена звезда ја продолжи победничката низа, го декласира Панатинаикос во Белград
Кошаракарите на Црвена звезда ја запишаа седмата последовна победа во Евролигата. На отворањето на деветтото коло, во Белград, Црвена звезда го декласира Панатинаикос со 86:68 (20:12, 26:20, 21:8, 19:28)
.
Црвена звезда го надигра европскиот првак од пред две сезони и го изедначи клупскиот рекорд од седум последователни победи во Евролигата.
32.минути црвено-белите доминираа во нападот и одбраната, славеа со 18 разлика со само три погодени троки од 22 обиди.
Домашните „лета“ по теренот 32 минути кога стекнаа предност од 28 поени. Тука застанаа, Панатинаикос го искористи тоа со серија тројки се доближи на негатива од 13 поени, но поблиску од тоа не можеа.
До победата Црвена звезда ја предводеа Мекинтаер со 14 поени, 9 скока и 7 асистенции, Монеке забележа 14 поени и 8 скока, Добриќ 10 поени. Кај Панатинаикос се истакнаа Слукас со 16 поени (10 од нив во последната четвртина) и Осман со 14.
Главниот играч на Панатинаикос, Кендик Нан одигра скандалозен меч, постигна шест поени имаше и нереални седум изгубени топки. Кога го напушти теренот поради петтиот фаул, публиката иронично му скандираше „MВП, MВП“ алудирајќи на наградата за минатата сезона.
Спорт
(Видео) Само бод за Челзи во Карабаг, Пафос го шокира Виљареал
Со две изненадувања започна вториот ден од 4.коло во Лигата на шампионите. Пафос дојде до историската прва победа во елитното натпреварување, на домашен терен триумфираше против Виљареал (1:0). Во Азербејџан, Карабаг успеа да освои бод против Челзи (2:2).
Триумфот на Пафос против „жолтата подморница“ беше прв во оваа сезона и прв во историјата во елитното натпреварување. Ова беше трет натпревар за Пафос, од четири, во кој не прими гол(Олимпијакос, Каират, Виљареал).
Доживеаја само пораз од Баерн (1:5).
Стрелец на единствениот гол на натпреварот беше Холанѓанецот Дерик Лукасен во 47-та минута кога авторитативно скокна на првата статива и ја затресе мрежата на гостите.
Резултатите на Карабаг во Лигата на шампионите веќе не се изненадување. На домашен терен шампионот на Азербејџан одигра 2:2 со Челзи.
Менаџерот на Челзи, Енцо Мареска ротираше во тимот и тоа скапо го плати. Млафиот Холанѓанец Хато им подари два гола на противниците.
Естевао постигна убав гол во 16-та минута, но до 39-та Карабаг направи пресврт. Леандро Андраде изедначи во 29-та по киксот на Хато, а десет минути подоцна 19-годишниот Холанѓанец направви пенал. Стрелец од белата точка беше репрезентативецот на Црна Гора, Јанковиќ.
Бод на Челзи му обезбеди Гарначо во 53-та минута.

