Пред големото дерби помеѓу Реал и Манчестер Сити, во Лигата на шампионите, Пеп Гвардиола зборуваше за моменталната ситуација во која се наоѓа неговиот колега од спротивниот табор, Чаби Алонсо.

Не функционира сè како што треба во „Кралскиот клуб“, поразот од Селта во претходното коло го вклучи алармот, се шпекулира дека Алонсо е пред отказ.

„Тренирањето на Реал Мадрид е најтешката работа во светот на фудбалот.

Јас да ги имав резултатите од минатата сезона како тренер на Реал, ќе ме отпуштеа по шест месеци“, рече Гвардиола пред натпреварот.

Гвардиола и Алонсо се познаваат добро од времето кога работеа заедно во Баерн Минхен, кога тој го тренираше актуелниот тренер на Реал.

„Имам одлично искуство со него. Му посакувам се најдобро. Може да ги сврти работите во Реал“, додаде Пеп.

Foto/ depositphotos

Искусниот шпански тренер Пабло Ласо ќе стане нов шеф на тренерскиот штаб на Анадолу Ефес. Порталот „Баскетфул“, тврди дека тој договорил 18-месечна соработка со клубот од Истанбул. Според овој извр, Шпанецот ќе биде промофиран во нов тренер по дуелот што Ефес треба да го одигра со Валенсија.

Двократниот освојувач на Евролигата, неодамна остана без тренер откако Игор Кокошков беше отпуштен од должноста по серија лоши резултати.

Според извештаите, Ласо ќе го гледа во живо гостувањето на Ефес во Валенсија, а потоа треба да се врати во Истанбул со тимот, каде што ќе ги заврши сите формалности околу потпишувањето на договорот.

Договорот е од таква природа што двете страни можат да ја прекинат соработката на крајот од оваа сезона доколку резултатите не го задоволат Ефес, додека спротивното сценарио би значело дека Ласо би останал во Истанбул до летото 2027 година.

По 15 кола во Евролигата, Ефес има скор од 5-9 и е во група од пет екипи, кои имаат идентичен сооднос на победи и порази.

Foto/ depositphotos

Кошаркарите на Њујорк Никс и Торонто Репторс се пласираа во полуфиналето на НБА Купот.

Њујорк Никс ги победија Торонто Репторс со 117:101 во четвртфиналето на НБА Купот.

Никс речиси го решија прашањето за победникот на полувремето, бидејќи ја добија втората четвртина со 34:13 и влегоа во второто полувреме со големи +17 (69:52).

Во второто полувреме, Никс ја одржаа својата предност и рутински го приведоа натпреварот кон крајот.

Џејлен Брансон ги предводеше Никс до победа со 35 поени, три скока и четири асистенции, а го следеше Џош Харт со 21 поен, шест скока и четири асистенции.

Кај Репторс се истакна Брендон Инграм со 31 поен со шест скока и асистенции и Џамал Шид со 18 поени и осум асистенции.

Вториот полуфиналист, кој ќе ги одмери силите со Њујорк Никс, е Орландо Меџик, кој ги победи Мајами Хит со 117:108.

Мајами добро го отвори натпреварот, стекна предност од 13 поени по првата четвртина (30:17), но Орландо се врати во игра во текот на втората четвртина, кога заостануваше само еден поен.

Следеше пресврт во средината на второто полувреме, Орландо поведе и не ја испушти предноста до крајот на натпреварот.

Орландо до победата го предводеше Дезмонд Бејн со 37 поени, шест скока и пет асистенции.

Кај Мајами се истакна Норман Пауел со 21 поен и седум скока, поен помалку постигна Тајлер Хиро.