Спорт
Како Французите „коваа“ стратегија да го сопрат Роналдо пред финалето во 1998
Франција во 1998 година ја освои својата прва титула светски шампион во фудбал, победувајќи го Бразил со 3:0 во легендарниот меч во кој бразилскиот Роналдо играше повреден. Интересно видео од тренингот на Французите пред финалето покажува колку тие се плашеле од него.
Марсел Десаи, Лилијан Турам и Франк Лебеф дискутираат како да го сопрат Роналдо, кој имаше 34 постигнати голови таа сезона. Тројца дефанзивци од светска класа цел тренинг посветија на „Ил Феномено“.
Тие дискутираат за потезите на Бразилецот, за тоа како одеднаш им ја „снемува“ топката пред нозете, а Десаи признава дека му направил сличен потег во италијанскиот шампионат (Десаи беше фудбалер на Милан) и дека едноставно „не ја видел топката“.
Lilian Thuram’s and Marcel Desailly talking about how scary it is trying to defend against Ronaldo. pic.twitter.com/1VjiulSL8D
— 90s Football (@90sfootball) May 8, 2021
Финалето во 1998 е обвиено во мистерии околу тоа дали Роналдо требаше да го стартува мечот, бидејќи се веруваше дека е болен. Тој не беше ефективен во мечот во кој Франција дојде до 3:0 победа со головите на Зинедин Зидан (2) и Емануел Пети.
Постоеја многу шпекулации околу наводна „местенка“ во мечот, и Мишел Платини, поранешниот претседател на УЕФА потврди дека имало „местенка“, но не начин на кој се мислеше.
„Кога го организиравме календарот, направивме мал трик. Ако завршевме први во групата, и тие беа први, немаше да можеме да се сретнеме до финалето. Не работевме шест години на организацијата за да го оставиме тоа на случајноста. На крајот, тоа беше остварување на сонот“, изјави подоцна Платини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Емери уште три години во Бирмингем
Раководството на Астон Вила реши да го задржи тренерот Унаи Емери. Клубот на шпанскиот тренер му понудил нов, тригодишен договор.
Вила од „јо-јо“ тим, повторно стана релевантна сила во англискиот фудбал. Оваа сеозна се бори за место во Лигата на шампионите и трофејот во Конференциската лига. Не е изнендување што управата сака да го задржи Емери кој е најзаслужен за овие резултати.
Емери и се приклучи на Вила во октомври 2022 година, кога тимот се бореше за опстанок. На крајот од таа сезона со тимот избори место во Конференциската лига, во кое оваа сезона стигна до полуфиналето.
Во лигата жестоко се бори со Тотенхем за четврто место и пласман во Лигата на шампионите. Откако Емери ја презеде Астон Вила, само Манчестер Сити, Ливерпул и Арсенал имаат освоено повеќе бодови во Премиер лигата.
Унаи Емери е поранешен тренер на Алмерија, Валенсија, Спартак Москва, Севилја, Пари Сен Жермен, Арсенал и Виљареал.
Спорт
Репрезентациите на Евро со 26 наместо со 23 играчи
Европската фудбалска унија (УЕФА) е блиску до конечна одлука за зголемување на бројот на фудбалери во репрезентациите за овогодинешното Европско првенство во Германија, пренесува „Скај Спортс“.
Иако долго се споменуваше, оваа промена за првпат беше официјално предложена на почетокот на април во Дизелдорф, на иницијатива на селекторот на Србија, Драган Стојковиќ Пикси, каде што се одржа завршната едукативна работилница на УЕФА.
Како што пренесува „Скај Спортс“, делегатите на националните натпреварувања во понеделникот гласале за промена и зголемување од 23 на 26 фудбалери кои треба да им бидат на располагање на селекторите во Германија.
Тоа не е конечна одлука, бидејќи прво треба да биде одобрена од Извршниот одбор. Се очекува тоа да се случи пред 22 мај, за кога е закажана следната седница на ова тело.
Последен пат проширените тимови беа користени во 2021 година на Европското првенство, како мерка што им олесни на селекторите да се справат со пандемијата на коронавирусот.
Фудбалските сојузи имаат рок до 7 јуни да ги испратат конечните списоци со играчи за Европското првенство.
Натпреварувачката сезона во Европа ќе заврши со финалето на Лигата на шампионите на 1 јуни, а Европското првенство ќе се одржи од 14 јуни до 14 јули во Германија.
Спорт
(Видео) Отказ, па казна за Вујовиќ – Му забранија да биде тренер во Хрватска
Дисциплинскиот судија на Хрватскиот ракометен сојуз ги изрече казни за претставниците на екипата на Нексе од Нашице за инцидентот на мечот со Загреб на 8 април.
Делегатот на тој натпревар, во мешаницата која настана кај записничјката маса, намерно беше удрен од играчот на Нексе, Словенецот Марко Безјак, а натпреварот набргу потоа беше прекинат.
Лекарска помош му беше укажана и на делегатот Анте Јосиќ, а судиите по дваесетина минути означија крај на натпреварот. Натпреварот подоцна беше регистриран со службен резултат 10:0 во корист на Загреб
Инцидентот се случи како последица на големото незадоволство на домашните поради низа судиски одлуки. Во еден момент сите тргнаа кон делегатот, таму беше и тренерот Веселин Вујовиќ, а врв на се беше неспортскиот потег на Безјак.
На се’ му претходеше протест на Вујовиќ до делегатот поради спорната одлука на судијата да го поништи голот на неговиот тим и наместо тоа да покаже седмерец.
Поради ова, дисциплинскиот судија Среќко Илиќ изрече забрана за играње ракомет на Безјак 12 месеци, а на Андраж Велкаврх му изрече суспензија на четири натпревари.
На Веселин Вујовиќ му е изречена дисциплинска мерка забрана за вршење на тренерска функција во траење од три месеци. Вујовиќ неодамна доби отказ од клупата на Нексе по поразот од Пореч. Тимот во преостанатиот дел од сезоната ќе го води поранешниот помошник Крешо Иванковиќ.
Покрај тоа, клубот е казнет со 4.000 евра.