Мојзе Кен се наоѓа во болницата во Верона, од каде пристигнаа првите информации за неговата здравствена состојба.

„Фиорентина соопштува дека фудбалерот Мојзе Кен заработил трауматска повреда на мозокот (trauma cranico) на натпреварот со Верона. Фудбалерот е во болница каде се прават тестови“, се наведува во краткото соопштение на официјалниот сајт на Виола.

Трауматска повреда на мозокот е промена на функцијата на мозокот или друга евидентна мозочна патологија предизвикана од надворешна сила.

На дуелот со Верона денеска на „Бентегоди“, најдобриот стрелец на Фиорентина оваа сезона, доби силен удар со колено во главата, по што стана и се обиде да продолжи, но набрзо изгуби свест и падна на тревата.

Лекарските тимови бргу реагираа, го изнесоа фудбалерот на носилки, а потоа го транспортираа до болницата во Верона.

Фудбалерите на Реал Мадрид ја совладаа Џирона (2:0) на „Сантијаго Бернабеу“ во натпревар од 25.коло на Ла Лига. На овој начин Реал одговори на вчерашните победи на Барселона и Атлетико. По 25 рунди Барселона и Реал имаат по 54, а Атлетико 53 бодови. Македонскиот репрезентативец Бојан Миовски за Џирна настапи од 75.минута.

Лајт мотив на овој натпревар, во кој Реал ја оправда улогата на фаворит, е голот на 39-годишниот Лука Модриќ. Во 41. минута Модриќ ја прими топката на гради, фати волеј и од 25 метри го совлада Газанига.

Играчот од средниот ред, кој во септември ќе наполни 40 години, досега има постигнато 130 гола во сениорскиот фудбал, 103 за Динамо, Тотенхем и Реал Мадрид и уште 27 за националниот тим.

Во вториот дел одлична шанса имаше Винисиус во 58. минута, топката заврши во гредата. Бразилецот малку подоцна повторно се закани, но неговиот удар заврши преку голот.

Винисиус успеа да постигне гол во 83. минута, по асистенција на Килијан Мбапе.

Џирона е во криза, ова им е седми пораз во последните осум натпревари во сите натпреварувања, тимот на Мичел го зазема само 12. место со 31 бод.

Првиот човек на Ла Лига, Хавиер Тебас, изјави дека Реал и Барселона најмногу прифитираат од судиските грешки. Тебас смета дека Реал без потреба ја форисираа прказната дека се оштетени на секој натпревар, а за Барселона рече дека ќе добие казна за „случајот Негреира“.

„Сакаме да го промениме судискиот систем. Ако ги прашате другите клубови, сите тие ќе ви кажат дека Реал Мадрид и Барселона најмногу профитираат од судиските одлуки. Сепак, тие немаат ТВ канал за да го кажат тоа јавно. Реал ТВ е единствениот медиум кој ја турка приказната за судиите”.

„Имавме многу полемики околу судењето, но засега нема решение во Фудбалската асоцијација. ТВ Реал Мадрид и клубот дополнително ја зголемуваат контроверзноста со објавување лажни извештаи и преиспитување на се што се случува на теренот“, рече Тебас и дополни.

„Реал Мадрид е клуб кој постојано се жали и плаче. Тие се жалат за минатиот викенд, за следниот викенд, се жалат за сè и мислат дека сè е теорија на заговор. Познавам многу навивачи на Реал Мадрид кои нема да се согласат со мислењата што ги има клубот. Па сопруга на еден од челниците на клубот е во судиската комисија“.

„Случајот Негреира“, во кој Барселона беше обвинета дека плаќала судии, е исто така честа приказна во Шпанија. Тебас верува дека Каталонците ќе бидат осудени.

„Верувам дека има докази кои ќе ја осудат Барселона за корупција во овој случај. Сепак, дури и да бидат прогласени за виновни, не можеме да ги исфрлиме од лигата”.