Тиери Анри нема дилема дека неговиот сонародник, Карим Бензема, во моментов е најдобар фудбалер во светот. Анри е уште еден  Французин кој лобира Бензема да ја добие Златната топка.

Анри, играч кој обележа цела една деценија во Премиер лигата, рекол дека во Англија е најдобар Мохамед Салах, но дека најдобар во светот е Бензема.

„Головите на Салах се неверојатни, но како можете да ги заборавите Левендовски и Бензема? Мислам дека во овој момент, во клубот и репрезентацијата, Салах не е на нивното ниво. Според формата, во овој момент Салах е најдобар во Премиер лигата, сепак најдобар во светот е Бензема“, рекол Анри.

Златната топка на „Франс фудбал“ ќе биде доделена за еден месец.

Актуелните шампиони во НБА лигата, кошаркарите на Милвоки Бакс, доживеаја тежок пораз во Мајами. Хит славеа над Бакс во својата арена со 137:95.

Натпреварот стана еднонасочна улица уште во првата четвртина, во која Мајами стекнаа предност од 25 поени. Предноста од над 20 поени, Хит, ја имаа се до третиот период кога уште повеќе ја зголемија.

Милвоки на овој натпревар погодија само 12 тројки од 42 обиди и имаа 20 скокови помалку од противникот (38/58).

Шестиот играч на Мајами, Тајлер Хиро за 24 минути на паркетот постигна 27 поени, Џими Батлер уфрли 21 поен, а Бем Адебајо забележа дабл-дабл од 20 поени и 13 скокови. Јанис Адетокумбо одигра само 22 минути, забележа 15 поени и 10 скока, поен помалку за Бакс постигна Грејсон Ален.



Голден стејт вориорс, на почетокот на сезоната во НБА-лигата, ја забележаа втората победа против екипите од Лос Анџелес. По победата над Лејкерси, Вориорс ги победија и Клиперси. Во драматичната победа 115:113 блескаше Стеф Кари, кој ја најави кандидатурата за МВП на сезоната.

Играта на Кари, во првата четвртина, долго ќе се прераскажува. Бекот на Вориорс одигра совршена четвртина, шутиратше 9/9, постигна пет тројки. Четвртината ја заврши со 25 поени, два помалку од целиот тим на Клиперс.

И покрај тоа што Вориорси имаат предност од 17 поени по првата четвртина (44:27), до победата дојдоа во пенал-завршницата.

Кари мечот го заврши со 45 поени и 10 скокови, Ендрју Вигинс постигна 17, Дејмон Ли 11 поени, а Немања Бјелица за 17 минути забележа шест поени и шест скока.

Клиперси ги предводеа Пол Џорџ со 29 поени, 11 скокови и шест асистенции, Ерик Бледсо со 22 поени и Ивица Зубац со 14 поени.