Јувентус со два гола од пенал се спаси од пораз против Аталанта. Во дербито на 33 коло Јувентус и Аталанта одиграа 2:2. На стадионот во Торино заврши серијата од 12 победи во низа во која беа фудбалерите на Аталанта.

Фудбалерите на Џанпјеро Гасперини одиграа брилијантен меч, особено во првиот дел кој го добија со 1:0. Голот за предност го постигна Дуван Запата в 16 минута.

Јуве израмни од пенал во 52 минута преку Роналдо. Тоа беше првиот директен удар на фудбалерите на Јувентус кон голот на противникот. На пеналот му претходеше играњето со рака на Де Рон.

Нов шок играчите на Маурицио Сари доживеаја во 81 минута кога Малиноски го совлада Шчешни.

Јувентус од пораз се спасија во 90 минута, повторно стрелец беше Роналдо од пенал. Претходно со рака пред својот гол играше Мјуриел.

Јувентус е лидер со 76 бода, додека Аталанта остана на третото место со 67 бода.



Финишот на сезоната во Примера Барселона ќе го одигра без Антоан Гризман, Францускиот напаѓач се повреди на натпреварот со Ваљадолид.

Според информациите од Барселона Гризман се здобил со повреда на квадрицепсот поради што ќе ги пропушти последните два натпревари во сезоната.

Гризман минатото лето за сума од 120 милиони евра од Атлетико Мадрид се пресели на „Ноу Камп“.

Сезонава во Примера настапи на 35 натпревари, постигна девет гола.

Фудбалерите на Челси забележаа убедлив пораз во шефилд (3:0) со што го ја компромитираа позицијата која им обезбедува место во Лигата на шампионите. На поразот на „сините“ најмногу се израдуваа во Лестер и Манчестер Јунајтед. Овие два тима со евентуални победи ќе го турнат Челси на петтата позиција. од друга страна Шефилд Јунајтед го прескокнаа Вулверхемтон на шестото место.

Фудбалерите на Френк Лампард во Шефилд одиграа катастрофален натпревар, особено во одбраната. Челниицте на тимот ќе мора во преодниот рок да донесат квалитетни дефанзивци бидејќи Кристенсен, Зума и Ридигер на моменти делуваа како аматери. Иако имаа посед на топка од речиси 76 отсто не успеаја да создадат сериозна шанса за постигнување на гол.

Од друга страна Шефилд беа цврсти во одбраната и исклучително опасни во контранападите. Херој на домашниот тим беше Мекголдрик кој постигна два гола. Напаѓачот кој малку играше сезонава поради повреда ги постигна првите голови во кариерата во Премиерлигата.

Првиот гол Мекголдрик го постигна во 18 минута, потоа во 33 предноста ја дуплираше Мекбурни, а конечниот резултат Мекголдрик го постави во 77 минута.

До крајот на мечот Челси избегна катастрофа бидејќи играчите на Шефилд не реализираа две чисти шанси.