Фудбалерите на Реал Мадрид ја забележаа првата победа во новата сезона, во која ја бранат шампионската титула. Реал со пресврт победи кај Бетис 3:2.

Првата шанса на натпреварот ја имаа играчите на Бетис, во седмата минута Куртоа со брилијантна одбрана го спречи Санабрија да постигне гол. Во 14 минута од првата посериозна акција Реал стигна до предност преку Валверде.

По постигнатиот гол Реал се повлече, Бетис вршеше константен притисок кон голот на Куртоа и во само две минути стигнаа до пресврт. Во 35 минута израмни Манди, а две минути подцна за 2:1 погоди Карваљо.

Во второто полувреме најпрвин Емерсон си постигна авто-гол во 48 минута, а потоа на сцена стапи ВАР.

Емерсон во 67 минута доби црвен картон поради прекршокот врз Јовиќ. Главниот судија го исклучи играчот на Бетис откако ја прегледа снимката.

ВАР работеше и во 82 минута кога Реал доби пенал. Стрелец на голот беше Серхио Рамос.



Интер во натпревар полн со пресврти успеа да ја победи Фиорентина со 4:3 во првиот меч во новата сезона. Интер победија со два гола кои ги постигнаа во 87 и 89 минута.

Натпреварот на „Џузепе Меаца“ може да конкурира за еден од најдобрите во сеозната која штотуку почна.

Фиорентина преку Куаме го отвори резултатот во третата минута. Интер израмни во втората минута од судиското надополнување на времето во првиот дел преку Лаутаро Мартинез.

Во 52 минута Интер стигна до предност со авто-голот на Чекерини.

Следува период на одлична игра на Фиорентина и два гола за пресврт и водство 2:3. Кастровили израмни во 57, а Кијеза постигна гол во 63 минута.

Интер сепак на крајот победија со блив-криг во самиот финиш. Во 87 минута израмни Лукаку, а две минути подоца Дамброзијо го постигна голот за победа.



Менаџерот на Вест Бромвич Албион Славен Билиќ не го криел незадоволството по мечот со Челси кој заврши 3.3 иако неговиот тим по 28 минути игра имаше предност од 3:0.

Челси од пораз го паси Ејбрахам со голот во 93 минута. На голот му претходеше играње со рака на Каи Хаверц.

„Шт сакате да кажам? Навистина сакате да го кажам она што го мислам и повторно да бидам казнет. Ни одзедоа два бода“, рекол Билиќ.

Слично како Билиќ размислува и неговиот колега Френк Лампард кој рекол дека неговиот тим останал без два бода.