Кевин Дурент стана најдобриот стрелец во историјата на кошаркарската репрезентација на САД.

На Олимписките игри, во рамките на третото коло, САД ја декласираа Чешка со 119:84. Во втората четвртина, кога Дурент погоди тројка за водство 33:31, дојде до својот 337 поен во репрезентативниот дрес. Тој на вечната листа го престигна Кармело Ентони.

Дурент натпреварот го заврши со 23 поени.

Кевин Дурент со националниот тим има злато од ОИ во Лондон во 2012 година и ОИ во Рио де Жанеиро во 2016 година.

Лаутаро Мартинез нема намера да се пресели во Арсенал. Клубот од Лондон сериозно е заинтересиран за Аргентинецот, според некои медиуми Арсенал ги контактирале колегите од Интер.

Лаутаро ги спушти на земја челниците на Арсенал со изјавата дека би се преселил во Англија само во клуб што ќе настапува во Лигата на шампионите. Арсенал, пет години не е дел од елитнтното натпреварување.

Лаутаро Мартинез е играч на Интер од 2018 година. Неговиот трабсфер од Расинг изнесуваше 23 милиони евра. Во изминатите три сезони, Мартинез за Интер настапил на 132 натпревари, постигнал 49 голови.

Летово, со репрезентацијата на Аргентина, Лаутаро ја освои Копа Америка.

Џек Грилиш е на чекор до трансфер во Манчестер сити, тврди „Скај спорт“. Сити за услугите на 25-годишниот фудбалер на Астон Вила им понудиле 100 милиони фунти (117 милиони евра).

Доколку „граѓаните“ го реализираат овој трансфер, ќе постават нов британски рекорд. Актуелен рекордер е Хари Магваер за чии услуги, Манчестер јунајтед издвоија 89 милиони фунти.

Според „Скај спорт“, Сити истата сума им ја понудиле на Тотенхем за Хари Кејн. Спарс ја одбиле оваа понуда.

Ако го донесат Грилиш, Сити ќе се откажат од Кејн.

Грилиш е играч на Астон Вила од 2012 година. За овој клуб настапил на 212 натпревари, постигнал 32 гола.