Ферари забележа втор тежок викенд на почетокот на сезоната, бидејќи Карлос Саинц и Шарл Леклер завршија на шестото и седмото место на трката за Големата награда на Саудиска Арабија. Леклер уште еднаш го повика тимот да ги подобри своите перформанси.

Возачот од Монте Карло призна дека се надевал на посериозна борба со возачите на Мерцедес, но и дека Џорџ Расел и Луис Хамилтон се покажале недостижни за него и за Карлос Саинц.

„Не знам дали болидите на Мерцедес беа толку недостижни. Се приближив до Карлос на секунда и пол, но повеќе од тоа не успеав. Направив мала грешка, кога бев во ДРС зоната на Саинц и после тоа не можев да направам ништо“, објасни Леклер.

Возачот на Ферари остана доследен на приказната дека Ферари има уште многу работа доколку сака да напредува.

„Не очекува многу, многу напорна работа. Нашите ривали се многу побрзи на правците, беа уште побрзи во свиоците“.

Леклер не ја заврши првата трка, Големата награда на Бахреин, а од почетокот на сезоната во неколку наврати го предупреди Ферари дека тимот мора да ги подобри перформансите доколку сака да влезе во битката за првото место.

Србија ги започна подготвките за престојните квалификациски натпревари со Литванија и Црна Гора, за пласман на Европското првенство.

Селекторот Драган Стојковиќ – Пикси, во своето прво појавување пред новинарите по Мундијалот во Катар, откри дека голманот на Севилја, Марко Дмитровиќ решил да се повлече од националниот тим.

Дмитровиќ (31), го известил селкеторот дека сакал да им се посвети на клупските обврски во Севилја.

Дел од српските медиуми пренесуваат дека Дмитровиќ не бил задоволен од третманот што го има кај селекторот и дека поради тоа решил да се повлече. Наводно, на Пикси дополнително го ставил Дмиторвиќ на спискот, кога дознал дека ФИФА се уште не го одбрила настапот на Владан Ковачевиќ, инаку Србин од Босна и Хрцеговина, кој го прифатил повикот да го смени спортското државјанство.

Дмитровиќ во кариерата бранел на 19 натпревари за Србија.

Барселона вчера во „Ел Класико“ го победи Реал Мадрид со 2:1 и го направи клучениот чекор кон освојувањето на шампионската титула.

Барселона победи со голот на Франк Кеси постигнат во самиот финиш на натпреварт,

Десниото бек на Реал, Дани Карвахал, по натпреварот ги загуби нервите, видно исфрустриран од поразот, па влезе во конфликт со третиот голман на Барселона, Арнаут Тенас.

Тенас не не се повлече пред искусниот фудбалер, беше подготвен физички да се пресмета со Карвахал.

На крајот ситуацијата ја смируваа нивните соиграчи Тибо Куртоа и Роналд Араухо, кои ја задржаа ладнокрвноста и навреме реагираа за да ги разделат.

Arnau Tenas (Barca B Goalkeeper) pic.twitter.com/ElHaJt6zYW

— BarçaVerse (@_BarcaVerse_) March 20, 2023