Спорт
Карл Гајгер победник на јубилејното 1.000 натпреварување во ски скокови (видео)
Германецот Карл Гајгер е победник на илјадитото натпреварување во Светскиот куп во скијачки скокови, откако ги победи Австријците Штефан Крафт и Михаел Хајбек на натпреварувањето во Лахти, Финска.
Гајгер водеше по првата рунда со скок од 122.5 метри, за во вториот да ја постави најголемата далечина од 130 метри за победа пред Крафт, кој пак, триумфираше во петокот пред Гајгер. Ова е шеста победа во кариерата за Гајгер и четврта оваа сезона.
„Голем ден за мене, а искрено многу ми значи што победив на натпреварувањето број 1.000. Целта е да се продолжи“, вели Гајгер.
Во генерален пласман, Крафт има 1.613 поени пред Гајгер со 1.495 поени, останувајќи на иста разлика како пред скоковите во Лахти, и најавувајќи возбудливо „Роу ер“ натпреварување во Осло следниот викенд. Давид Кубацки, третопласираниот во геенрален пласман и победник од новогодишната турнеја беше само 11, додека актуелниот шампион Рјоју Кобајаши беше седми.
Во вкупно 1.000 натпреварувања, рекордер е јапонскиот ветеран Нориаки Касаи со неверојатни 569 старта, пред Симон Аман (429) и Јане Ахонен (408).
The winner: Karl Geiger’s second jump in Sunday’s FIS World Cup competition in #Lahti, Finland!#skijumping #FISskijumping #lahtiskigames pic.twitter.com/H2DKcKfAMP
— FIS Ski Jumping (@FISskijumping) March 1, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ќе гласа за укинување на ВАР од следната сезона
Преставници на клубовите од англиската Премиер лига следниот месец ќе гласаат за укинување на ВАР, пишува The Athletic. За да се укине ВАР потребно е најмалку две третини од клубовите да гласаат за таа опција. Во случајот со Премиер лигата, тоа значи 14 од 20 клубови.
ВАР (Видео помошник судија) беше воведен во Премиер лигата во 2019 година, но беше предмет на бројни контроверзии. Во кои случаи може да се вклучи и какви одлуки се носат со негово користење се постојани прашања во англискиот фудбал. Предлогот е направен на иницијатива на Вулверхемптон.
Видео проверките ја успорија играта, па често се трошеше многу време за проверка и цртање линии. Сето тоа предизвикува фрустрации кај навивачите и затоа се предлага да се укине ВАР. Исто така, ВАР не ги елиминираше судиските грешки бидејќи лошите одлуки се носат и по прегледување на видеата.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.