По вестите дека четири члена на ФК Ренова се позитивни на корона вирусот, од денеска започнува 14-дневната изолација на сите вработени во клубот, потврдија од тетовскиот клуб на својата Фејсбук страница.

Со оваа одлука и со позитивните случаи во Шкендија, станува невозможно да се комплетира сезоната во Првата лига по планот на ФФМ. Првата лига требаше да започне од 14 или од 20 јуни, и сега останува да се види реакцијата на ФФМ.

Позитивни на Ковид-19 има во Ренова и Шкендија

Деветкратниот мотоциклистички шампион, Карло Убијали, кој се натпреваруваше во првиот Светски шампионат во 1949 и потоа доминира во категориите 125сс и 250сс почина на 90 години, објавуваат италијанските медиуми.

Убијали е третиот најуспешен италијански мотоциклист на сите времиња по Џакомо Агостини и Валентино Роси и освои шест титули 125сс и три титули 250сс. Тој победи во 39 од 74 трки, во кои учествуваше, најмногу на италијанскиот тим МВ Агуста, во ерата пред појавувањето на јапонските производители на мотоцикли.

Со прекар Лисица, возачот од Бергамо исто така оствари пет победи на Ајл оф мен ТТ-трката. Тој се пензионира во 1960 година.

„Имав 10 години кога тој победуваше на секоја трка и сонував да бидам како него. Тој беше пример и инспирација за мене“, изјави 15-кратниот светски шампион, 77-годишниот Агостини.

We are saddened to hear of the passing of 9-time World Champion and #MotoGPLegend, Carlo Ubbiali

One of the pioneers of Grand Prix motorcycle racing #MotoGP | 📰https://t.co/TKRZAm6knA

— MotoGP™🏡🏁 (@MotoGP) June 2, 2020

За вечниот фаворит на боксерските фанови, Мајк Тајсон, има безброј приказни, од кои можеби најинтересната е кога влетал во канцеларијата на сегашниот американски претседател, а тогаш само бизнисмен и го прашал: „Дали ми ја е.еш жената?“

Авторот Тим О’Брајан во својата книга „Трампнација“ тврди дека додека Тајсон бил во брак со актерката Робин Гивенс, влетал во канцеларијата на Трамп во Њујорк и побарал одговор на тоа дали спие со неговата сопруга.

„Се смрзнав, мртов сум. Немам шанси. Тука е шампионот во тешка категорија пред мене“, се потсетува Трамп во книгата, но во неа не се кажува одговорот на Трамп.

Трамп и Тајсон имаат историја зад себе кога Трамп во одреден период му беше советник на Челичниот, а беше и финансиер на незаборавниот меч на Тајсон против Мајкл Спинкс во 1988 кога го нокаутира за 91 секунда.

Тајсон и Гивенс беа во брак само една година, 1988, кога, според Тајсон, актерката тврдела дека е трудна. Тој сега е оженет третпат со Лакиха Спајсер.