Спорт
Касано: Роналдо е крал, а Јувентус не е голем европски клуб!

Поранешниот италијански фудбалер, Антонио Касано смета дека никој не треба да го обвинува Кристијано Роналдо за новиот неуспех на Јувентус во Лигата на шампиони. Италијанецот смета дека португалскиот ас направил се што е до него, но едноставно, клубот од Торино не е меѓу најголемите европски клубови.
„Смешно ми е кога ќе видам дека некои луѓе се сомневаат во Роналдо, кој петпати беше најдобар фудбалер во светот, и има уште толку трофеи во ЛШ, постигна најмногу голови во ова натпреварување во историјата. Едноставно – Роналдо и Јувентус се две различни работи. Роналдо не крал на ЛШ, а Јуве нема трофеј веќе 26 години. Тоа не е поради Зидан, Роналдо, Игуаин или кој и да е друг. Јуве едноставно нема статус на голем европски клуб како Ливерпул, Баерн, Милан“ рече Касано во поткаст на еден од италијанските медиуми.
Тој смета дека Јуве ќе продолжи да победува во Серија А затоа што е финансиски најмоќен.
„Јуве секогаш ќе победува во Италија затоа што има економска моќ и стил на фудбал на кој му одговара триумф од 1:0. Но во Европа секогаш го доживува истото“ смета екс-италијанскиот фудбалер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Синер се повреди, му го предаде мечот на Грикспор

Италијанскиот тенисер Јаник Синер го заврши настапот на Мастерсот во Шангај. Синер на Талон Грикспор му го предаде осминафиналниот меч.
Синер се предаде при резултат 1:1 во сетови и 3:2 за Холанѓанецот во одлучувачкиот сет. Проблемот беше неговата десна нога, колено или мускул, засега останува нејасно.
FORZA JANNIK
PER SEMPRE❤️🩹
— The Sinner Times (@sinnertimes) October 5, 2025
Синер можеше да го заврши дуелот и претходно, пропушти шанси, во еден момент беше на два поени од победата, но не успеа против да го скрши 31-ви играч на АТП листата.
Синер го доби првиот сет по тај-брејкот, кој го отвори со 4:0 и се чинеше дека е на пат кон нова победа.
На почетокот од вториот сет, спаси една, а потоа пропушти три шанси за брејк.
Имаше нови можности, уште поголеми, три врзани брејк топки во осмиот гем, но Гриксспор и тогаш успеа да се извлече.
Токму во тие моменти тој ја истегна десната нога, а потоа во 11-от гем го загуби сервисот без да освои поен.
Грикспор стигна до брејк и во петтиот гем од решавачкиот сет, кога Синер со болки отиде на клупата.
Тој доби третман од физиотерапевт, но едноставно не можеше да се потпре на десната нога, па реши да го прекине дуелот.
Nobody wanted to see this in Shanghai 😓
The World No. 2 retires due to injury at 7-6 5-7 2-3, sending Griekspoor to the last 16. Wishing Sinner a very speedy recovery ❤️#RolexShanghaiMasters pic.twitter.com/hxhRcY8AdX
— Rolex Shanghai Masters (@SH_RolexMasters) October 5, 2025
Валентин Вашеро од Монте Карло, 204-от тенисер на планетата, го чека Грикспор во осминафиналето.
Foto/ EPA
Спорт
(Видео) Дебакл на Барселона во Севилја, Алавес го победи Елче

Во шпанската Примера повеќе нема непоразени тимови. Вечерва, Барселона и Елче доживеаја убедливи порази кај Севилја, односно Алавес.
Севилја ја декласира фаворизираната Барселона на „Рамон Санчез Пихуан“ и им го нанесе првиот пораз оваа сезона со убедлив резултат од 4:1. Севилја ја забележа првата победа на домашен терен оваа сезна и воедно ја победи Барселона прв пат по 2015 година.
Играчите на Севилја носени од публиката „летаа“ по теренот, иницијативата ја крунисаа со гол од пенал. Во 13-та минута погоди ветеранот Алексис Санчез. Дека на Барселона не и се пишува добро на „Рамон Санчез Писхуан“ навести Ромеро со голот за 2:0 во 36-та минута.
Барселона сепак успеа да се врати во мечот во седмата минута од судиското надополнување со голот на Рашфорд.
Во вториот дел Барселона ја контрлираше топката, но до 76-та минута играчите на Ханси Флик не направија ништо пред голот на одличниот Влаходимос.
Аднан Јанузај 40 секунди беше на теренот, немаше контакт со топката, но успеа да направи пенал врз Балде. Левандовски шутираше лошо, топката ја спрати крај голот. Пет минути подоцна ново влезениот Нардагчи имаше „еден на еден“ со Влаходимоз, лошо шутираше, буквално му ја додаде топката на голманот.
Севилја ја нокаутира Барселона во судиското надополнување, од две контри. Првата ја реализира Кармона во 91-та, а втората Актор во 96.минута.
На „Мендизороза“ во Виторија, Алавез го победи Елче. Натпреварот беше здодевен до 76-та минтута. Висенте погоди од пенал, а пет минути подоцна Тони Мартинез ја зголеми предноста на Алавез.
Елче намали со голот на Андре Силва (негов четврти во сезоната) во 93-та минута, но само две минути подцна Боје, поранешен играч на Елче, го постави конечниот резултат.
Foto/ EPA
Спорт
(Видео) Случаен гол на Грилиш за прв пораз на Палас во новата сезона

Во Премиер лигата повеќе нема непоразени тимови. Кристал Палас загиби на гостувањето кај Евертон (2:1) и го доживеа првиот пораз по речиси шест месеци, односно ја прекина серијата од 19 натпревари без пораз во сите натпреварувања.
Евертон стави крај на успешната серија на Кристал Палас со случајниот гол на Џек Грилиш во 93.минута. Палас сами се виновни за овој пораз, имаа предност од 37.минута псо голот на Муњоз, а пота промашија неколку зрели шанси за гол.
Кога не успеаја да го решат натпреварот ги стигна казната. Ендиај погоди од пенал во 76., а потоа во 93.минута Грилиш со првиот гол во дресот на Евертон им ја обезбеди победата на „карамелите“.
Резултати:
Астон Вила – Барнли 2:1 (1:0)
(Мален 25.63 – Угочукву 78)
Евертон – Кристал Палас 2:1 (0:1)
(Ендиај 76п, Грилиш 90+3 – Муњоз 37)
Њукасл – Нотингем Форест 2:0 (0:0)
(Гимареш 58, Волтемаде 84п)
Вулверхемптон – Брајтон 1:1 (1:0)
(Вербруген 21аг – Ван Хеке 86)
17:30 Брентфорд – Манчестер Сити