Спорт
Катар бара ФИФА да не дозволи капитенски ленти со боите на виножитото

Иако капитените на повеќе европски земји веќе најавија дека на Мундијалот во Катар ќе носат капитенски ленти со боите на виножитото, како дел од „OneLove“ кампањата за инклузивост и против дискриминација, ФИФА уште го нема одобрено ова, а организаторите на Мундијалот, Катар не се воодушевени од идејата, бидејќи во оваа земја хомосексуалноста е кривично дело.
УЕФА веќе дозволи лентите да се носат на мечевите од Лигата на нации, но за да се користат на Светското првенство, дозволата треба да дојде од Светската фудбалска федерација (ФИФА). Англиската Фудбалска асоцијација (ФА) веќе има пратено барање до ФИФА, уште нема одговор.
Ситуацијата може да предизвика и дипломатски сканал, откако во 2018 година, англиската ФА потпиша меморандум за разбирање со Фудбалската федерација на Катар, односно договор за „соработка“, и Катар е незадоволен што воопшто не биле консултирани за капитенските ленти. Тие веќе ја контактирале ФИФА со барање да се забрани промоцијата на „хомосексуалноста“.
Србија и Хрватска нема да носат капитенска лента со боите на виножитото на Мундијалот
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Атлетико лесно го победи Виљареал, деби гол на Нико Гонзалес

Атлетико Мадрид го победи Виљареал со 2:0 (1:0) во четвртото коло од Примера, што е прва победа за „јорганџиите“ оваа сезона по пораз и два нерешени натпревари. Во исто време „жолтата подморница“ го забележа првиот пораз во Ла Лига оваа сеозна.
Тимот предводен од Диего Симеоне имаше многу посериозен пристап кон играта и поведе во деветтата минута со голот на Пабло Бариос, на кого му асистираше аргентинскиот напаѓач Хулијан Алварез.
Атлетико доминираше во поседот во првиот дел, Симеоне промаши „мртва шанса“ за 2:0, а на споритвната страна ударот на Алберто Кореиро помина крај стативата. Виљареал можеше да се врати во натпреварот во 45.минута, но Пепе од слободен удар ја погоди гредата.
Конечниот резултат го постави дебитантот во дресот на Атлетико Нико Гонзалез во 52. минута, кој беше највисок по центаршутот на Маркос Љоренте и ја испрати топката со глава во мрежата на Бразилецот Луиз Жуниор.
Атлетико постигна уште еден гол, но судијата Мунуера пресуди дека Лнгле направил фаул во напад.
Виљарела во вториот дел ниту еднаш не се закани кон голот на Јан Облак.
Атлетико ќе ја започне новата сезона од Лигата на шампионите во Ливерпул во среда, а потоа ќе гостува на Мајорка во недела. Виљареал, во вторник ќе гостува кај Тотенхем, а потоа на „Керамика“ ќе ја пречека Осасуна.
Foto/ EPA
Спорт
(Видео) Карваљо го шокира Челзи во 93. минута

Фудбалерите на Брентфорд и Челзи одиграа нерешено (2:2) во четвртото коло на Премиер лигата.
Ова беше натпревар полн со драма и пресврти, а на крајот, Брентфорд успеа да „извлече“ бод во 93-та минута.
На почетокот од натпреварот, Бранфорд успеа да воведе ритам што повеќе му одговара, се играше бавно, без големи шанси, а Челзи без Палмер тешко создаваше шанси.
Токму кога изгледаше дека полувремето ќе заврши без голови, во 35-та минута Брентфорд доби токму она што го сакаше. Брза контра, додавање од Хендерсон и егзекуција од Кевин Шаде му донесоа водство на Брентфорд.
Челзи започна многу офанзивно во второто полувреме. Палмер исто така влезе и веднаш придонесе. Во 61-та минута кога Педро му ја остави топката во шеснаесетникот, а Палмер елегантно и многу прецизно го погоди долниот лев агол за израмнување. Палмер имаше уште една одлична шанса во 75-та минута, но неверојатниот Келехер го одбрани неговиот удар.
Челзи во финишот изврши жесток притисок кон голот на Брентфорд. Инцијативата вроди со плод во 85-та минута, кога Каиседо постигна преубав гол.
Токму кога се чинеше дека Челзи ќе гги освои три бода, Карваљо ја казни индолентноста во одбраната и погоди за конечни 2:2.
Фото/ Принтскрин
Спорт
(Видео) Наполи се прошета низ Фиренца, Елмас одигра 25 минути

Актуелниот шампион во Серија А, Наполи, лесно го мина гостувањето во Фиренца. Во третото коло, Наполи ја победи Фиорентина со 3:1. За Наполи, првиот меч по враќањето во клубот го одигра Елиф Елмас. Репрезентативецот на Македонија влезе на теренот во 69.минута на местото на Кевин Де Брујне.
Екипата на Антонио Конте стигна до триумфот релативно рутински, иако Вања Милинковиќ-Савиќ мораше неколку пати да интервенира во финишот за да не биде доведена во прашање победата во Фиренца.
Актуелниот шампион агресивно влезе во натпреварот, Расмус Хејлунд промаши изгледна шанса, а во продолжението на акцијата Ангиса избори пенал.
Кевин де Брујне беше немилосрден во шестата минута, а во 14-та минута, Хојлунд го искористи додавањето на Леонардо Спинацола и го дуплираше водството.
Сем Беукема постигна уште еден гол во 51-та минута за гостите, кои лесно создаваа шанси пред голот на Давид де Хеа.
Но во последните 10 минути Фиорентина неколку пати опасно се закани. Раниери постигна гол за Фиорентина во 79-тата минута.
Милинковиќ-Савиќ интервенираше добро во два наврати и ги спречи „виолетовите“ да внесат дополнитепла драма во натпреварот.
Foto/ EPA