Спорт
Катарскиот шеик потврди понуда за 100 отсто од Манчестер јунајтед
Шеикот Џасим Бин Хамад Ал-Тани, претседателот на катарската банка QIB, потврди дека поднел понуд за купување на Манчестер јунајтед, откако претходно беше шпекулирано дека Катарците се први фаворити за славниот англиски клуб кој беше ставен на продажба од старана на американските газди, семејството Глејзер.
Глејзери го презедоа Манчестер јунајтед во 2005 година, но постојано беа во конфликт со навивачите, кои ги обвинуваа за недостаток на инвестиции на нивниот стадион и на составот, посочувајќи дека не им е грижа за спортскиот успех на клубот. Јунајтед нема освоено било каква титула од 2017 година, а последен пат беа англиски шампиони пред една деценија во 2013 во последната сезона на Сер Алекс Фергусон.
Денеска истекуваше последниот формален рок за понуди за клубот, до кој само англискиот милијардер Сер Џим Ретклиф имаше потврдено понуда, и покрај шпекулациит за интерес на компании од САД и Блискиот Исток.
„Шеикот Џасим Бин Хамад Ал-Тани потврдува дека поднел понуда за 100 отсто од фудбалскиот клуб Манчестер јунајтед. Со понудата се планира клубот да се врати на старата слава на теренот и надвор од него, и пред се да се работи покрај навивачите на клубот. Понудата е без никакви долгови преку фондацијата ’92’ на шеикот, која ќе инвестира во фудбалскиот клуб, тренинг-центарот, стадионот и дополнителната инфраструктура. Визијата е клубот да се врати на позицијата на најголем фудбалски клуб на светот“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг ќе добие отказ, можен наследник е Де Зерби
Иако Манчестер јунајтед го освои ФА Купот, гласините за отказот на Ерик Тен Хаг не стивнуваат. Доколку тоа се случи, прв фаворит на клупските челници е Роберто де Зерби.
Тен Хаг тврдеше дека новите луѓе во спортскиот сектор му рекле дека сакаат со него да го започнат новиот проект. Сепак, тој истакна дека доколку сакаат да го заменат, има каде да оди да освојува трофеи.
Можеби воторото сценариото ќе се оствари, бидејќи на „Олд Трафорд“ не се импресиоирани од она што во две сезони го оствари Тен Хаг.
Како што пренесува „Гардијан“, Џим Ретклиф го контактирал поранешниот тренер на Брајтон, Роберто де Зерби. Италијанецот ги напушти „галебите“ на крајот од сезоната, а неговото име се поврзува со голем број големи клубови.
Ако Де Зерби не ја прифати понудата, на листата кандидати следуваат: Томас Тухел, Киеран Мекена, Маурисио Покетино и Томас Франк.
Спорт
Трагедија: литвански кошаркар пронајден мртов во Џенова
Литванскиот кошаркар Ауримас Кибас го загуби животот под мистериозни околности во Џенова.
Кибас, кој има 27 години, паднал од заграда висока 20 метри.
Кошаркарот на Берингброу бил во посета на својот пријател Римантас Даунис кој игра за Сестри. Вечерта кога се случила несреќата бил во ноќен клуб.
Според луѓето кои го виделе, тој бил под дејство на опијати, а наводно бил вмешан во тепачка. Неговите пријатели го загубиле во текот на вечерта, која заврши трагично.
Полицијата не исклучува самоубиство, но не исклучуваат ниту други сценарија.
Спорт
Анчелоти кариерата ќе ја заврши во Реал
Реал Мадрид и Борусија Дортмунд во сабота од 21 часот ќе го играат финалето на Лигата на шампионите на Вембли. Тренерот на „кралскиот клуб“, Карло Анчелоти (64) даде интервју за „Ла Република“ пред последниот натпревар од сезоната. Меѓу другото, тој одби да зборува за доаѓањето на Килијан Мбапе, бидеќи овој трансфер се уште не е официјално потврден.
Најинтересниот одговор на Анчелоти секако е оној за крајот на неговата тренерска кариера.
„Мојата кариера ќе заврши во Реал, но прво сакам да освојам уште една Лига на шампиони. Јас сум Мадридиста, се идентификувам со клубот, сакам да ги израдувам луѓето во клубот и навивачите“, изјави Анчелоти и додаде дека верува оти неговиот син Давиде може да биде главен тренер, но засега остануваат заедно во Реал.
Анчелоти како фудбалер освои седум трофеи со Милан и пет со Рома како централен играч за врска, а уште поуспешена е неговата тренерска кариера.
Од 1992 година до денес ги предводел Реџана, Парма, Јувентус, Милан, Челзи, ПСЖ, Баерн, Наполи, Евертон и Реал, со кого има договор до летото 2026 година.
Досега четири пати ја освои Лигата на шампионите, по два пати со Реал и Милан.