Спорт
Кербер со прва титула од Вимблдон 2018, Остапенко најдобра во Истбурн
Германката Анџелике Кербер ја освои својата прва титула од Вимблдон во 2018 година, откако со 6:3/6:2 ја совлада Чехинката Катерина Синијакова на домашното финале во Бад Хомбург.
Ова беше прво финале за Кербер по пауза од две години, и трикратната гренд слем шампионка на прави шест брејка за да ја освои својата 13. титула во кариерата. Ова е третпат таа да победи на домашен терен по трофеите во Штутгарт во 2015 и 2016.
„Посебно е да се освои нова титула, и ви благодарам што ми ја дадовте потребната поддршка“, вели Кербер, која е 25. носителка на Вимблдон и во првото коло ќе игра со Србинката Нина Стојановиќ.
Прва титула од 2019 и четврта во кариерата освои Летонката Јелена Остапенко, откако со 6:3/6:3 ја победи Естонката Анет Контавеит на финалето на Викинг интернешнл во Истбурн. Остапенко, која во 2017 година победи на Ролан Гарос за прва титула во кариерата, претходно победуваше и во Сеул во 2017 и во Луксембург во 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Овиедо водеше 0:2, па во последните секунди спаси бод против Џирона
Спектакуларен меч во 10.коло во Примера одиграа двете последнопласирани екипи на табелата Џирона и Овиедо. Натпреварот на „Монтоливи“ заврши без победник 3:3.
Овиедо имаше предност 0:2, Џирона успеа да направи целосен пресврт во 90-та минута, но гостите во 97-та мунута соасија бод.
Овиедо на „Монтоливо“ дојде до предност од 0:2, со головите на Вињас од пенал во 38-та и ветеранот Рондон во 57-та минута.
Три минути по голот на Рондон, од пенал намали уште еден ветеран Кристијан Суани. Вториот гол за Џирона го постигна Онахи во 83-та минута, а потоа Мароканецот изнуди пенал.
Одговорноста повторно ја презеде Стуани и уште еднаш беше сигурен за целосен пресврт и ерупсција од воодушевување на „Монтоливи“.
Сепак до крајот Овиедо, заслужено, избгна пораз, стрелец во 97-та минута беше Кармо.
Двата тима и по 10-то коло ќе останата на последните две позиции на табелата, со по седум бода.
Фото/ ЕПА
Спорт
Шајб победи во велеслаломот во Солден
Со трката во велеслалом во женска конкуренција, во Солден започна новата сезона во Светскиот куп во алпско скијање.
На домашен терен, во рпвата трка во сезоната победи Јулија Шајб. Австријската скијачка доминираше и ја доби оваа трка со голема разлика. Вкупното време изнесуваше 2:16.51.
Второто место го освои Американката Паула Молцан со заостанување од 58 стотинки, а третата беше Швајцарката Лара Гут-Бехрами со секунда и 11 стотинки заостанување.
Утре во истата дисциплина ќе биде отворена сезоната и во машка конкуренција.
Foto/ EPA
Спорт
Сонот за медал е жив, „Алкалоид“ на чекор до остварување на целта
Шахистите на ШК Алкалоид влегуваат во последното 7. коло на Европскиот клупски куп кој се одржува на грчкиот остров Родос со реални шанси за освојување медал!
Во шестото коло ШК Алкалоид играше со вториот непоразен тим на турнирот, СуперЧес од Романија, за кој настапува светскиот првак Гукеш. Токму тој ја направи единствената победа на првата табла против Еригаиси, додека другите пет меча завршија со реми.
– Белите фигури треба да донесат некаква предност во ваквите мечеви, а тоа му успеа на Гукеш во Гринфелдова одбрана. Светскиот првак успеа во системот на отворање да го наведе Еригаиси во непознати води и ја презема иницијативата. На крајот, заслужена победа за СуперЧес, а ние се мобилизираме за следниот меч, кој ќе биде последен на турнирот, – изјави ВМ Влатко Богдановски.
Другите играчи на романскиот тим немаа успех со белите фигури заради солидните одбрани на Јангји Ју и Александар Инѓиќ на третата и петтата табла.
Од друга страна, на втората табла Ји Веи не успеа да ја пробие сицилијанската одбрана на Јорден ван Форест, а најинтересна беше партијата на четвртата плоча каде Читамбарам Аравинд играше против поранешниот европски првак, Алексеј Сарана. При отворањето, иднискиот велемајстор дојде во изгледна позиција, но потоа во комплицираната средишница Сарана се снајде и прејде во напад, но на крајот партијата заврши со реми. Пуранек на шестата табла исто така успеа да направи мал плус на старт од дуелот со Даниел Дарда, но во четвртиот час од играта превиде пешак, по што грчевито се бореше да воспостави рамноправна позиција и да ремизира. СуперЧес на овој начин стигна до минимална победа од 3,5:2,5 и останува единствена екипа со максимален учинок, 12 бода од 6 рунди. Унгарскиот клуб Нагиканижаи го доби дуелот на втората табла со Туркиш Ерлајнс и во моментов е втор со 11 поени, а утре ќе излезе на мегдан со првопласираните. Победникот од нивниот дуел ќе биде крунисан како нов шампион на Европа.
ШК Алкалоид во моментов е на делба на третото место, заедно со уште четири други екипи. Со победа во 7. коло македонскиот шампион останува кандидат за медал, а противник ќе им биде седмиот носител, израелскиот клуб Ришон Ле Цион, предводен од ветеранот Борис Гељфанд и Максим Родштајн (кој оваа година беше на делба на врвот на индивидуалното европско првенство во шах, но поради послаби „тај-брејк“ критериуми беше третопласиран).
Последното 7. коло започнува еден час порано, во 14 часот по локално време. Извесно е дека со победа ШК Алкалоид би освоил медал, но од другите резултати ќе зависи дали тоа ќе биде сребро или бронза.
(ПР)

