Разочарувачкиот старт на новата сезона на Манчестер јунајтед продолжи и во третото коло на Карабао купот (англискиот лига куп), откако тимот на Оле Гунар Солскјер се намачи да стигне до 3:0 победа над Лутон таун.

„Ѓаволите“ стигнаа во водство во 44. минута од мечот со гол од пенал на Хуан Мата, по што во второто полувреме имаше периоди во кои второлигашот имаше 70 отсто од поседот на топката. Сепак, на крајот победата беше осигурана кога замените Мејсон Гринвуд и Маркус Рашфорд во 88. минута имаа одлична акција за 2:0, за во 93. минута Гринвуд да ги постави конечните 3:0.

Толку среќа немаше новиот премиерлигаш, Вест Бромвич Албион, кој загуби на пенали од второлигашот Брентфорд, додека Вест хем, без тренерот Дејвид Мојс и двајца првотимци поради позитивниот тест на корона вирус, стигна до 5:1 победа над Хал.

КАРАБАО КУП, 1/32 ФИНАЛЕ

Њупорт – Вотфорд 3:1

Вест Бромвич Албион – Брентфорд 2:2, 4:5 пен.

Вест Хем – Хал 5:1

Лутон – Манчестер јунајтед 0:3

Краснодар и Ред Бул Салцбург се двата тима кои имаат предност по првиот меч од плејофот во Лигата на шампионите, додека Славија Прага и Митјиланд одиграа 0:0.

Салцбург губеше од Макаби Тел Авив од деветтата минута, но на крајот успеа да стигне до 2:1 победа благодарение на головите на Доминик Собослаи (од пенал) и Масаја Окугава.

Во Русија пак, ПАОК не успеа да ја оддржи раната предност против Краснодар, кои стигнаа до 2:1 триумф. Димитриос Пелкас прво утна пенал, пред да ги донесе ПАОК во водство во 32. минута. Рускиот клуб се врати во игра со пенал пред крајот на полувремето, пред Реми Кабелја да им донесе победа на Краснодар.

ЛИГА НА ШАМПИОНИ, ПЛЕЈОФ, 1.МЕЧ

Краснодар (Рус) – ПАОК (Грц) 2:1

Макаби Тел Авив (Изр) – Ред Бул Салцбург (Авт) 1:2

Славија Прага (Чеш) – Митјиланд (Дан) 0:0

Металург стигна до 26:24 (14:13) победа над швајцарскиот клуб Кринс, во првиот меч од баражот за пласман во групната фаза на преименуваното натпреварување на ЕХФ, Лига Европа.

Мечот беше израмнет во целиот тек, а во финишот, дури и Кринс стигна до два гола предност, пред со серија 5:1 да го вратат водството и да отпатуваат во реваншот со +2 разлика.

Златко Хорват и Марко Тарабокија имаа по осум голови за клубот од Автокоманда, додека за гостите Јернер Папеж уфрли шест гола. Реваншот за пласман во групната фаза се игра на 29 септември.

Фото: РК Вардар