Спорт
Киеза: Ќе се обидеме да му донесеме малку радост на Спинацола
Федерико Киеза, младиот фудбалер на Јувентус, кој е еден од најдобрите во италијанската репрезентација на ЕУРО 2020, вели дека сите во тимот ќе се обидат да ја победат Шпанија во полуфиналето за да му донесат малку радост на Леонардо Спинацола.
Бекот на Рома, Спинацола, доби сериозна повреда на ахиловата петица на мечот против Белгија, и Киеза вели дека нема да биде лесно без него.
„Многу ми е жал за Спина, бидејќи имаше фантастично Еуро. Тој е клучен играч за нас, се чувствуваме како браќа и никогаш не е убаво кога некој толку блиску ќе го загубиш. Ќе ни недостасува многу, но сега мора да размислува само на опоравувањето. Ние ќе се погрижиме да му дадеме малку радост тука“, вели Киеза.
Киеза влезе во фудбалската историја против Австрија во осминафиналето, кога постигна гол на ЕУРО, 25 години по неговиот татко Енрико.
„Беше вистинска чест да се носи презимето високо во европскиот и светски фудбал. Горд сум што сум син на мојот татко и мојата мајка. Ова само ми покажа колку голем фудбалер бил мојот татко, бидејќи сега знам колку е тешко да се даде гол на големите натпреварувања“, додава Киеза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.