Спорт
Кин го „уништи“ татко му, Солскјер го сака на „Олд Трафорд“? (видео)

Менаџерот на Манчестер јунајтед, Оле Гунар Солскјер повторно го пофали тинејџерот на РБ Салцбург, сонародникот Ерлинг Халанд откако тој постигна хет-трик против Генк во Лигата на шампионите во вторникот, но не најави дека ќе се обиде да го донесе во англискиот клуб.
Халанд има 14 постигнати голови во само 10 натпревари, а Солскјер работеше со синот на поранешниот фудбалер на Лидс и Манчестер јунајтед, Алф-Инге Халанд, додека беше тренер на Молде.
„Беше убаво да се гледа натпреварот, но се фокусирам на нашиот меч против Астана. Сите во Норвешка се возбудени од неговиот развој во последно време“, вели Солскјер.
Семејството Халанд пак, нема најдобро искуство со Манчестер јунајтед, откако постариот Халанд имаше (не)славно ривалство со капитенот на Јунајтед, Рој Кин, кој призна дека намерно го повреди во дербито во 2001 помеѓу Јунајтед и Сити, што придонесе за крајот на неговата кариера.
„Тој најверојатно не е најголемиот навивач на Манчестер јунајтед, но ако дојдат да тропнат на врата, тешко дека ќе кажат не“, изјави Солскјер кога беше тренер на Молде во 2017 година.
Уште еден проблем може да биде тоа што Халанд работи со агентот Мино Рајола, со кого Јунајтед имаат доволно искуство со трансферите на Пол Погба, Ромелу Лукаку и Алексис Санчез.
Дали Ерлинг Халанд е најдобриот млад напаѓач во Европа? (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

РЕ-Дигитал
„Епл“ ќе ја пренесува „Формула 1“ ексклузивно во САД со договор вреден 750 милиони долари

Американската компанија „Епл“ потпиша историски петгодишен договор вреден околу 750 милиони долари за ексклузивно пренесување на Формула 1 во САД.
Од сезоната 2026, „Епл ТВ“ ќе биде единствената платформа за следење на сите трки, квалификации и тренинзи. Според „Хајпбист“, овој потег следи по огромниот успех на филмот „F1: The Movie“, најпрофитабилниот спортски филм во историјата.
Содржината на Формула 1, вклучувајќи ги и функциите на „Ф1 ТВ Премиум“, ќе биде достапна во рамките на стандардната претплата на „Епл ТВ“, без дополнителни трошоци.
„Епл“ планира да ги интегрира F1-содржините низ целиот свој систем, со цел да привлече помлада и технолошки свесна публика.
Спорт
(Видео) Малку судијата, малку Винисиус – Реал го победи Хетафе

Фудбалерите на Реал Мадрид го победија Хетафе како гости со минимален 1:0, во деветтото коло од Ла Лига.
„Кралскиот клуб“ успеа да ја задржи лидерската позиција пред „Ел Класико“, која ја држи со 24 бода, два повеќе од Барселона.
Сè беше решено во последните 15 минути, кога системот на Хетафе се распадна, а Килијан Мбапе стана херој на гостите.
Иако, тој епитет можеше да го носи и Винисиус, кој успеа да изнуди два црвени картони од играчите на Хетафе за само седум минути.
За првиот ќе се полемизира во Шпанија, но судијата не ја смени одлуката. Ветеранот, Алан Нијом доби директен црвен картон помалку од една минута откако влезе во игра поради старт врз Бразилецот.
Nyom agrede a Vinicius sin ninguna opción de disputar el balón y no se le vaya en velocidad = 🟥 DIRECTA
Al final Munuera Montero nos pita algo decente y aplica el reglamento. #GetafeRealMadridpic.twitter.com/wBeQyP4Yl1
— Joker Laporta 🃏 (@JokerLaporta) October 19, 2025
Тоа беше во 77-та минута, а веќе во 80-та минута, Мбапе ја избегна офсајд стапицата и ја искористи асистенцијата на Арда Гулер.
Самоуништувањето на Хетафе го комплетираше Алекс Санкрис во 84-та минута, кога заработи втор жолт картон, исто така поради старт врз Винисиус.
Домашниот тим, со двајца играчи помалку во судиското продолжение, речиси успеа да израмни, но Тибо Куртоа го собори голманот на Абу Камара.
Спорт
(Видео) Леао го крена Милан на челната позиција во Серија А

Во последниот неделен дуел во Серија А, Милан ја победи Фиорентина благодарение на пенал во самиот финиш од натпреварот. Милан победи по пресврт, 2:1, а херој беше Рафаел Леао, кој ги постигна двата гола за Росонерите.
Во првото полувреме немаше голови, а најдобрата шанса во овој дел од натпреварот ја имаше Страхиња Павловиќ кој по слободен удар имаше можност да шутира, се обиде од блиску, но топката помина преку пречката.
А потоа, во 55-та минута, Фиорентина поведе. Робин Гусенс стигна до одбиената топка и постигна гол.
Радоста на гостите не траеше долго. Страхиња Павловиќ испрати добра топка, Рафаел Леао изгради позиција и испрати вистински проектил и постигна гол за израмнување.
Милан се закани и во 76-та минута преку Сантијаго Хименез, но немаше промена на резултатот. И потоа целосна драма во 81-та минута кога Хименез беше тој што падна во шеснаесетникот.
Во првиот момент, судијата покажа дека нема пенал, а неколку минути подоцна отиде да ја погледне снимката и ја промени одлуката.
Во 86-та минута, Леао го совлада Давид де Хеа и му донесе на Милан целосен пресврт на овој натпревар.
Со оваа победа, петта во сезоната, Милан го зазеде првото место на табелата со бод повеќе од Интер, Наполи и Рома. Фиорентина продолжува да се мачи, сега имаат четири порази и три нерешени резултати и се на 18-то место на табелата.
Foto/ EPA