Сонот за светска титула на Лионел Меси и на аргентинската репрезентација останува жив, откако легендарната „десетка“ на Аргентина имаше гол и асистенција, пред неговиот голман Емилијано Мартинез да биде најзаслужен за пласманот во полуфиналето, бидејќи по неверојатниот камбек на Холандија во регуларните 90 минути и 2:2 ремито, беше најдобар во пенл-серијата. Следни за Аргентинците се Хрватите, кои спречија јужноамериканско дерби со исто толку драматичната победа на пенали над Бразил.

Меси ја круниса подобрата игра на Аргентинците во првото полувреме, кога во 35. минута со фантастичен потег му асистираше на Нахуел Молина, кој го постигна својот прв гол во националниот дрес во кариерата во совршен момент.

Во второто полувреме, Меси имаше совршена шанса да го зголеми водството со обид од слободен удар, но беше блиску над голот. Во 73. минута од мечот, сепак, Меси доби шанса да се израмни со Габриел Батистута со 10 постигнати голови на Светските првенства, кога по едне невнимателен старт беше досуден пенал, а Меси беше сигурен.

Но, потоа, не беше едноставно за „албиселесте“, откако Холанѓаните покажаа колку се опасни кога во 83. минута само што влезе во игра Вут Вегхорст со одличен гол со глава намали на 1:2 за кревање на атмосферата во финишот на мечот. Само неколку минути подоцна Стивен Бергхујс имаше одлична шанса но шутираше покрај голот. И покрај сите обиди во 10-те минути продолжението, „оранје“ не успеа да стигне до израмнување. Во драматичната завршница, Вегхорст во 101. минута го постигна својот втор гол, по фантастичната асистенција од Копмајнерс, на која „падна“ цела одбрана на Аргентина!

Во продолженијата, Аргентинците имаа неколку шанси преку Лаутаро Мартинез, но на крајот по 120 минути игра дојде време за пеналите. Емилијано Мартинез беше клучниот човек, откако ги одбрани обидите на Ван Дајк и Бергхујс за конечна 4:3 победа на пенали.

Графика: Sofascore за Топспорт.мк

Бразилскиот селектор Аденор Леонардо Баки, попознат како Тите, потврди дека се повлекува од позицијата по шокантниот пораз од Хрватска во четврт-финалето на Светското првенство во Катар.

61-годишниот Тите ја презеде позицијата во 2016 година и со Бразил стигна до титулата од Копа Америка во 2019 година, но во двата настапи на Светските првенства, во Русија во 2018 и во Катар оваа година, беше елиминиран во четврт-финалето. Тој и пред стартот на Мундијалот најави дека ова му е последната работа.

„Многу е тешко во моментов. Циклусот заврши и го кажав тоа уште пред година и пол. Ми беше потребно да имам достапен целосен циклус и да ги следам моментите. Дали оставам нешто во репрезентцијата? Времето ќе го покаже тоа“, изјави Тите.

Во 81 меча на кормилото на Бразил, тој стигна до 61 победа, а имаше само 7 порази.

Нејмар го постигна својот 77. гол во дресот на бразилската репрезентација при поразот на пенали од Хрватска во четврт-финалето на Светското првенство во Катар. Така, тој се израмни со легендарниот Пеле со бројот на голови за „селесао“. Барем така тврди ФИФА. Бразилската фудбалска конфедерација (ЦБФ) не се согласува и порачува дека Нејмар има „уште леб да јаде“ да ги стигне бројките на Пеле.

Во текот на годините, бројот на голови кои Пеле ги постигнал во својата кариера се „чувствителна“ тема во Бразил, и минатата година беше неизвесно дали Кристијано Роналдо го срушил неговиот рекорд по постигнати голови, бидејќи Пеле тврдеше дека има постигнато неверојатни 1.283 гола во кариерата.

Според ЦБФ и Пеле, тој има постигнато 95 гола во 113 меча за Бразил. Разликата е во тоа што ЦБФ и ФИФА сметаат за официјален меч. Според ФИФА, меч помеѓу две фудбалски нации со сопствени федерации се смета за официјален меч, а Бразилците ги бројат и мечевите кои во 1960-тите и 1970-тите, Бразил ги играше против клубови како Интр и Атлетико Мадрид. Пеле има 18 гола во 22 вакви мечеви.

Интересно, и Нејмар има постигнато повеќе голови во славниот жолт дрес од официјалните 77. Тој настапи на Олимпијадата во 2012 година, кога во 14 настапи имаше 8 гола и го освои златниот медал. Но, според ФИФА, олимписките фудбалски турнири се сметаат за У-23 натпреварувања, а не за сениорски мечеви. На олимписките турнири смеат да настапуваат само тројца фудбалери кои се постари од 23 години.

Пеле не го признава рекордот на Кристијано Роналдо