Роналд Куман, тренерот на Барселона, очекува дуелот против Реал да биде исклучително тежок за неговиот тим. Ел Калсико ќе се одигра утре на „Ноу Камп“.

Барселона во дербито влегува по победата над Ференцварош во Лигата на шампионите (5:1). Трети дена претходно тимот на Куман беше поразен од Хетафе (1:0). Од друга страна Реал има два порази на последните две средби кои ги одигра во Мадрид.

„Играчите на Реал и Барселона имаат многу искуство. Не очекувам на теренот да истрча „ранет“ противник. Сигурен сум дека играчите на Реал ќе имаат голема мотивација. Нашите противници имаат голем квалитет, сигурно е дека нема да ни остават многу простор. Важно е дали ќе игра Серхио Рамос, тој има големо влијание во играта на Реал“, рекол Куман.

Холандскиот тренер повторно морал да одговори на прашање поврзано со Антоан Гризман.

„Не е добро пред секој натпревар да зборуваме за неговата улога. Постојат и други фудбалери, на крајот важно е само како ќе изгледа тимот. Имам одредени тактички замисли, ќе изберам фудбалери за кои сметам дека ќе ни го донесат посакуваниот резултат“.

Ел Класко на „Ноу Камп“ ќе започне во 16 часот, главен судија ќе биде Мартинез Мунуера.

Тренерот на Реал Мадрид, Зинедин Зидан, ја одржа последната прес-конференција пре утрешното дерби со Барселона. Зидан се наоѓа под голем притисок, по поразите од Кадиз и Шахтјор и смо со триумф на „Ноу Камп“ екипата ќе ја врати самодовербата.

„Дали тимот нема самодоверба? Важно е да бидат јаки, самодовербата доаѓа со она што ќе го направите на теренот. Ако играте добро и самодовербата ќе ви биде на високо ниво. Барселона? Тоа е екипа која секогаш била силна, без оглед на тоа кој ги тренирал. Барса секогаш е Барса. Тоа е екипа која знае да игра фудбал и која може секого да победи“, рекол Зидан и продолжил.

„Секогаш сум бил самокритичен, тоа ми дава дополнителна сила. Знаеме дека сите заедно можеме да направиме нешто добро, порад тоа сакаме да одиграме квалитетен натпревар. Тренер сум и нормално е по секој пораз да бидам критикуван, но јас не живеам во минатото ме интересира само она што следува“.

Тренерот на Реал Мадрид, одговарајќи на новинарско прашање, потврдил дека Серхио Рамос ќе биде подготвен за дербито.

Ел Класко на „Ноу Камп“ ќе започне во 16 часот.

Утре од 16 часот на „Ноу Камп“, Барселона и Реал Мадрид ќе се соочат по 181 пат во домашното првенство. Во претходните 180 пресметки Реал забележале една победа повеќе 73-72, а 35 натпревари завршиле без победник.

Шпанските медиуми со големо внимание го чекаат дуелот од проста причина што ниту Барселона, ниту пак Реал не блескаат од почетокот на сезоната.

Барселона, победува но играта не е блескава. Поразот од Хетафе во Ла Лига, го избришаа со триумфот над аутсјадерот Ференцварош во Лигата на шампионите. Победата од 5:1 над унгарскиот тим го врати потребниот мир во соблекувалната пред соочувањето со Реал.

„Кралскиот клуб“ е приказна за себе. Тренерот Зинедин Зидан се соочува со отказ по поразите од објективно послабите тимови од Реал, Кадиз и во Ла Лига и Шахтјор во Лигата на шампионите. Дополнителен проблем за Реал е и повредата на Серхио Рамос. Настапот на рекордерот во овие натпревари е неизвесен. Серхио Рамос пртив Барселона играл 44 пати.

Кај Барселона во тимот ќе се врати Џорди Алба, но прашање е дали ќе биде стартер. Фокусот, очекувано, ќе биде врз Лионел Меси. Аргентинецот не блеска од почетокот на сезоната, меѓутоа против Реал секогаш бил расположен за игра.

Од 2005 година и дебито на Меси во дуелите со Реал, Барселона забележала 19 победи. Меси досега одиграл 43 натпревари против „кралскиот клуб“, има брилијантен учинок од 26 голови и 14 асистенции, што го прави апсолутен рекордер во Ел Класико.