Спорт
Кјелце го расипа јубилејот на Барса, ПСЖ му дозволи на Порто само 4 гола во прво полувреме!
Кјелце ја продолжи одличната форма во ЕХФ Лигата на шампионите, стигнувајќи до фантастична 32:30 (19:16) победа на гости кај актуелниот шампион Барселона за да се зацврстат на првото место во групата Б. ПСЖ пак, ја прекина својата низа од три порази со убедлива 33:19 победа над Порто на Никола Митревски.
Кјелце успеа да го расипе јубилејниот 500. европски меч на Барселона, иако Каталонците почнаа одлично и дојдоа во предност од 10:6, пред Кјелце да се врати за 13:16 водство и да замине на одмор со предност од три гола. Андреас Волф на голот на Кјелце ги „збудале“ домаќините со 10 одбрани, за неговиот тим да стигне до драматична 32:30 победа. Аркадијуш Морито со 7 гола беше најефикасен за Кјелце, додека за Барса не помогнаа ниту расположените Дика Мем и Тимоти Н’Гесан, кои завршија со 7 гола.
Во Париз, пак, тимот на поранешниот тренер на Вардар, Раул Гонзалес, имаше неверојатен старт, оставајќи ги Порто на само 4 гола во првото полувреме, додека им дадоа дури 18 гола. Од вакво полувреме немаше враќање. Камил Сипжак постигна осум гола, додека Недим Ремили додаде шест за ПСЖ.
ЕХФ ЛИГА НА ШАМПИОНИ, 7.КОЛО, ГРУПА Б
Пари Сен-Жермен – Порто 33:19 (18:4)
Барселона – Кјелце 30:32 (16:19)
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-2466-37565”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.