Хуан Квадрадо го постигна вториот гол од корнер во Серија А овој викенд (по вчерашниот на Хакан Чалханоглу против Рома), за да ги предводи Јувентус до неубедлива, но важна 2:0 победа над Џенова, за која нашиот Горан Пандев ги одигра последните триесет минути од мечот.

@Cuadrado : Que señor golazo ! pic.twitter.com/DZQuCWS4Pn

— Carlos Jaramillo (@cjaramillo29) December 5, 2021

Квадрадо уште во деветтата минута од мечот ја направи својата мајсторија за рано водство на „бјанконерите“, кои потоа беше удвоено од Пауло Дибала во 82. минута, за Јуве да сврзе две победи во низа против послаби противници (во текот на неделата беа подобри од Салернитана) и се искачат на петтото место на табелата со 27 поени, седум зад Аталанта на четвртото место и израмнети со Фиорентина на шестото место.

За Џенова, пак, под водство на Андриј Шевченко ова е втор пораз во низа по разочарувањето против Милан, за да останат на 18. место со само 10 поени, два под безбедната зона.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));

Италијанката Софија Гоџа покажа дека ги надминала сите физички проблеми, победувајќи на првата супер-џи трка од Светскиот куп оваа сезона, и комплетирајќи го хет-трикот победи во канадскиот ски-центар Лејк Луис, како прва дама со ваков успех по Линдзи Вон во 2015 година.

Гоџа, која во петокот и саботата имаше убедливи спусташки победи, овојпат се задоволи со тесна победа со време од 1:18.28, за само 0.11 секунди пред светската шампионка во дисциплината, Швајцарката Лара Гут-Бехрами. Австријката Мирјам Пухнер, која беше трета на првиот спуст, повторно беше на подиумот пред сонародничката Тамара Типлер.

„Ова е најдобрата победа овие три дена. Си кажав дека ќе одам до максимум и со огромна брзина. Не верував дека можам до победа во супер-џи и кога го видов зеленото светло ќе пукнев“, вели Гоџа.

29-годишната Италијака ја отвори сезоната со второ место во Вал Д’Изер, по што имаше четири победи во низа пред да добие сериозна повреда на коленото во јануари.

GOGGIA! GOGGIA! GOGGIA! 🏅⛷️🇮🇹

Dopo la doppietta in discesa, Sofia si prende anche il Super G di Lake Louise: tre vittorie in tre giorni, C’È SOLO DA INCHINARSI 💙#Goggia | #EurosportSCI | #FISAlpine | #LakeLouise pic.twitter.com/PcU4JiUuLx

— Eurosport IT (@Eurosport_IT) December 5, 2021

Макс Ферстапен може да добие и дополнителна казна за хаотичното Саудиско ГП, откако стјуардите го повикаа на разговор за судирот со Луис Хамилтон во финишот на трката, покрај казната од 5 секунди која ја доби за тоа што доби нелегално предност со кратење на патеката.

Ферстапен ќе одговара за бизарниот инцидент во финишот на трката, кога бидејќи требаше да му ја предаде позицијата на Хамилтон поради тоа кратење, тој успори премногу, а Хамилтон се удри во него и го оштети крилото. Ферстапен потоа уште еднаш му ја предаде првата позиција на Хамилтон, пред веднаш да го претекне на последната кривина, но на крајот не можеше да изддржи и заврши како втор.

VERSTAPPEN BRAKE TESTS HAMILTON!!!!#F1 #SaudiArabianGP pic.twitter.com/lp00V3UUeV

— Mr Matthew F1 (@NotMrMatthewF1) December 5, 2021

Ферстапен е обвинет според одделот 2(д) на интернационалниот спортски код на ФИА кој вели: „Предизвикување на судир, повторување на сериозна грешка или недостаток на контрола на болидот (како излегување од патеката) ќе биде пријавено кај стјуардите и може да донесе казни до дисквалификација на возачот“.

Ферстапен своето мислење за хаосот во Џеда го кажа преку радиото кога му беше соопштено дека е возач на денот.

„За среќа, фановите имаат јасно мислење за тркањето, бидејќи тоа што се случи денеска е неверојатно. Се обидувам да се тркам, но тука се работи повеќе за казни отколку за тркање. За мене, ова не е Формула 1, но барем фановите уживаат. Го дадов максимумот денеска, но не бевме доволно брзи“, изјави Ферстапен.

Судири, казни, контроверзи и обвинувања – Хамилтон победи, Ферстапен казнет, следниот викенд финалето