Лондонското дерби меѓу Челси и Тотенхем заврши со најнепопуларниот фудбалски резултат 0-0.

Ученикот Френк Лампард против својот учител Жозе Мурињо одигра со неговата тактика – дефанзивно.

Вкупно 90 минути фудбал, без големи возбудувања пред двата гола, а двете екипи упатија само по 2 удари во рамки на головите на Менди, односо Лорис.

Челси за кратко се израдува на погодок, во 11 минута, стрелец беше Тимо Вернер, но по ВАР асистенција истиот беше поништен поради офсајд позиција.

Поседок на топката беше кај домаќините, но без голем ефект од тоа.

Со овој бод Тотенхем останува на чело на табелата во Премиерлигата со 21 бод по 10 кола, додека Челси собра 19 и „сините“ моментно се трети.

Втор е Ливерпул кој исто како и Тотенхем има 21 бод, но со послаба гол разлика.

Поранешниот селектор на Аргентина, Луис Сезар Меноти беше една од клучните фигури во кариерата на Диего Марадона. Иако не го повика на Мундијалот во 1978 година што „гаучосите“ го освоија, а на кој беа домаќини, тој, заедно со Карлос Билјардо се смета за најзаслужен за развојот на „Ел Пибе“.

По смртта на Марадона откриено е дека Меноти бил најзаслужен за неговиот трансфер во Барселона. Токму Меноти го испратил извештајот за тогаш 17-годишниот Диего Марадона до скаутот кој требало да го препорача на „Ноу Камп“. Тогаш Марадона бил дел од Аргентинос јуниорс.

„ОЦЕНКА – многу добар, извонреден

БРЗИНА – 9,5, уберзување, убрзување – 9,5, трчање со топка – 9,1, трчање без топка – 9,5, агилност – 9,5, скок – 8

ПСИХОЛОШКИ АСПЕКТИ – ментална сила – 10, отпорност на прекршоци – 10, концентрација – 10, себичност – 0, карактер – 10

ОПШТА ТЕХНИКА – Непобедлив

ПРЕЦИЗНА ТЕХНИКА – Застрашувачки добар дриблинг, моќен, храбар, одличен шут, одличен пас, максимално прецизен, беспрекорна визија, врвен лидер, знае да чува топка

ИНДИВИДУАЛНА ТАКТИКА – Комплетна фудбалска интелегенција, комплетно чувство за фудбал

ОПШТИ ЗАКЛУЧОЦИ – Млад, има неверојатна техника, дриблинг на највисоко ниво, одлични рефлекси, кратките пасови и шутот му се неверојатни“ – вака Меноти го опишал тогаш 17-годишниот Марадона, пред тој кариерата да ја продолжи во Каталонија.

Трка полна со инциденти се возеше на патеката во Бахреин ова попладне.

На триумф се радуваше шампионот Луис Хамилтон, но се чини дека победата е во сенка на инцидентите кои ја следеа трката.

Грожан уште во првиот круг доживеаја страшна несреќа. Се удри во заштитната ограда, по што неговиот болид се преполови и се запали. За негова среќа, првичните информации се дека помина само со мали изгореници.

Се возеше седмиот круг од трката, која доживеа голем прекин додека се исчисти патеката по нсреќата на Грожан, па возачот на Рејсинг Поинт, Ленс Строл по еден судир со Квјат ја заврши трката со превртен болид.

Неговиот клупски колега, Серхио Перез исто така имаше лош ден во Бахреин. На 3 круга до крајот се запали неговиот мотор, па мораше да го паркира болидот и на тој начин остана без бодови.

Хамилтон извози колку што е потребно за нова победа, беше лидер од почеток до крај. Ја прослави 11-тата победа сезонава.

Втор низ целта на трката во Бахреин заврши Макс Ферстапен од Ред бул.

Александер Албон се искачи на подиум, по вторпат во кариерата. Денешната трка ја заврши како трет.

Хамилтон, Ботас и Ферстапен се првите тројца во генерален пласман, а до крајот на оваа сезона преостануваат уште две трки.