Спорт
Клоп: „Ако некој реши да замине затоа што не играме во ЛШ, сам ќе го однесам во новиот клуб
Ливерпул наредната сезона нема да игра во Лигата на шампионите. „Црвените“ сезоната ќе ја завршат зад Манчестер сити, Арсенал, Њукасл и Манчестер јунајтед. Најдобриот играч и стрелец, Мохамед Салах, на социјалните мрежи напиша дека пласман во ЛШ е минимумот што мора да го направи Ливерпул во секоја сезона. Многумина ова го протолкуваа како најава дека Салах ќе го напушти „Енфилд“.
На оваа тема зоборуваше и менаџерот на Ливерпул, Јирген Клоп.
„Се што слушнав на таа тема е што напиша Мохамед на Твитер. Воопшто не сум слушнал ништо што би водело во насока на неговото заминување. Мо сака да биде тука, да биде дел од овој клуб. Тој им се извини на навивачите за она што ние го направиваме оваа сезона, а не за она што го направил некој друг. Се е во ред“, изјави Клоп.
Тој се осврна и на тоа што „црвените“ следната сезона нема да играат во Лигата на шампионите, а прокоментира и што би направил доколку некој од играчите изрази желба да си замине поради тоа.
„Доколку некој играч дојде кај мене и каже „не се пласиравме во Лигата на шампионите и затоа сакам да си заминам“, ќе му понудам лично да го одведам во тој нов клуб. Ќе ги земам клучевите, ќе го доведам до колата и ќе прашам каде „каде сакаш да одиш, јас ќе те возам“. Тоа не би можел да го разберам. Замислете ја да речам „не се квалификувавме за ЛШ, сакам да бидам дел од тоа натпреварување и затоа си заминувам“. А јас сум одговорен за ова што се случи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).
Спорт
(Видео) Алкараз на удар: „Се распаѓа, изгледа како 78-годишен старец“
Шпанскиот тенисер Карлос Алкараз имаше проблеми со многу повреди во текот на својата кратка кариера.
Последна во низата е повредата на подлактицата која го мачи оваа пролет и поради неа ги пропушти турнирите во Монте Карло, Барселона и Рим.
На оваа тема се зборуваше и во подкастот „Super Moscato“ на добро познатиот RMC.
Водител на емисијата е поранешниот француски рагбист, денес актер и водител Винсент Москато, кој многу го критикуваше 21-годишниот Шпанец.
„Да не бидам досаден, добри супи се прават во стари тенџериња, па еве го Ѓоковиќ, со сите повреди типувам на Ѓоковиќ“, изјави Москато и додаде:
„Алкараз „се распаѓа“. Го боли подлактицата, изгледа како 78-годишен старец. На 20 години раката не ве боли многу. Го гледате ли Алкараз како наследник на Надал? Слушајте ме, ќе јадам стаорец ако се случи тоа“
Алкарас моментално е трет на АТП листата, а полуфиналето ќе го брани на Ролан Гарос.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)