Потрагата на Челзи по нов менаџер се чини дека завршува. Откако Енцо Мареска беше отпуштен во четвртокот, преговорите меѓу лондонскиот клуб и Стразбур во врска со трансферот на Лиам Розениор значително се интензивираа, а англискиот стручњак стана главен кандидат за клупата на „сините“, пишува „Л’еип“.

Според овој извор новиот тренер на „Стенфорд Бриџ“ б требало да пристигне во понеделник. Се очекува Розениор да го предводи Стразбур за последен пат на гостувањето во Ница во сабота. Во меѓувреме, Челзи на натпреварот во недела против Манчестер Сити, од клупата ќе го предводи тренерот на тимот до 21 година, Калум Мекфарлан.

На прес-конференцијата пред натпреварот, кога беше прашан за неговата иднина, Розениор беше криптичен, велејќи дека „не знае што носи утрешниот ден“. Интересно е што сопственичката група „БлуКо“ е акционер во двата клуба, но за да биде се во рамките на дозволеното, Челзи ќе плати надомест за својот нов тренер.

Розениор го презеде Стразбур на почетокот на минатата сезона и ги одведе до седмото место, а е на истата позиција по 16 кола во тековната сезона. Во Конференциската лига, Стразбур го заврши лигашкиот дел од натпреварувањето на првото место со 16 од максималните 18 бода.

Розениор ја започна својата тренерска кариера во 2022 година, кога беше привремен менаџер на Дерби Каунти на 12 натпревари. Тој го водеше Хал Сити од ноември 2022 до мај 2024 година.

Како играч, Розениор има 15 години искуство во Премиер лигата и Чемпионшип лигата, играјќи за Фулам, Рединг, Ипсвич Хал и Брајтон.

Foto/ EPA/Liselotte Sabroe

Менаџерот на Манчестер Јунајтед, Рубен Аморим, стави вето на сите заминувања на играчи за време на јануарскиот преоден рок. Одлуката најмногу ги разочара Коби Маину и Џошуа Зиркзе, кои не криеја дека цел им е да го напуштат клубот.

Со оглед на тоа што клубот се бори за место во Лигата на шампионите, но во исто време има големи проблеми со повреди, Аморим не сака дополнително да го ослаби тимот, а се чини дека нема да има пристигнувања на „Олд Трафорд“.

Џошуа Зиркзе, кој постигна гол во ремито против Вулверхемптон, но беше заменет на полувремето, разочара откако пристигна од Болоња во летото 2024 година за 40 милиони евра.

Рома покажа интерес за холандскиот напаѓач, но италијанскиот клуб наводно го сака само на позајмица, а не во траен трансфер.

Од друга страна, Коби Маину, кој моментално е повреден, не започна ниту еден натпревар во Премиер лигата оваа сезона и повторно побара да оди на позајмица, исто како што тоа беше случај и на стартот на новата сезона.

Сепак, бидејќи на Јунајтед му недостасуваат осум играчи поради повреди и Африканскиот куп на нации, Аморим не е подготвен дополнително да ја скрати веќе кратката ротација.

На прес-конференцијата пред натпреварот против Лидс во недела, Аморим беше јасен:

„Трансфер рокот нема да смени ништо, не разговарамеза било какви промени во составот. Постои процес, постои идеја, блиску сме до местата во Лигата на шампионите, но исто така блиску до осум екипи зад нас, па сме фокусираме на следниот натпревар.“

Кога директно го прашаа дали играчите изразиле желба да си заминат, тој одговори: „Не, никој не го стори тоа. Не очекувам да побараат да си заминат.“

Foto/ depositphotos

Кошаркарите на Денвер Нагетс не успеаја да слават на предизвикувачкото гостување во Кливленд, загубија со 113:108. Втор натпревар франшизата од Колорадо е без повредениот Никола Јокиќ, а покрај него поради повреди отсуствуваат уште четворица играчи.

На гостински терен во Охајо, против еден од тимовите со најдобрите тимови на Истокот, тимот на Дејвид Аделман се држеше добро до последната четвртина, но падна во финишот.

Денвер падна поради лошата реализиција во шутот за три поени. Исклучок беше Џамал Мареј, кој блескаше особено во првиот дел, кога постигна 28 од своите 34 поени. Канаѓанецот поддршка доби само од Пејтон Вотсон со 21 поен и Тим Хардавеј (15 поени).

Во редовите на франшизата од Охајо, Донован Мичел доминираше со 33 поени, го следеаГарланд со 18, Хантер со 16, додека Портер застана на 10.

Победничката серија на Западот ја продолжи тимот на Оклахома Тандер, откако загубија од Сан Антонио Спарс на крајот од годината претходната вечер, стигнаа до својата четврта последователна победа.

Актуелните шампиони на НБА лигата славеа без поголеми проблеми на гостувањето кај Голден Стејт Вориорс со резултат од 131:94. Убедливиот триумф на лидерот на Западната конференција го одбележа Шеј Гиџгес-Александер со 30 поени, додека Хорфорд, Муди и Ричардс со по 13 не беа доволни да го надоместат недостатокот на Стеф Кари во редовите на „воините“.

По два порази по ред, Сан Антонио Спарс исто така најавија знаци на добра форма, победија со 123:113 на гости против Индијана Пејсерс, и покрај просечната шутерска вечер. Диерон Фокс постигна 24 поени.

Лос Анџелес Лејкерс, славеа во дуелот со Мемфис Гризлис 128:121. Лејкерси ја забележаа втората победа на последните шест натпревари.

Лука Дончиќ го заврши натпреварот со 34 поени со само една тројка, по него следуваше Леброн Џејмс со 31 поен, додека Џексон Џуниор се истакна за франшизата од Тенеси со 25 поени.

Феникс Санс ги декласираа Сакраменто Кингс со 129:102, а Портланд Треил Блејзерс беа исто така убедливи против Њу Орлеанс Пеликс со 122:109.

Интересно беше и на Истокот, каде што Њујорк Никс беа поразени дома од Атланта Хокс. Гостите од Џорџија славеа со резултат од 111:99 во натпреварот каде што Александар-Вокер и Оконгву со по 23 поени го засенија Бренсон кој застана на еден поен помалку.

Најнеизвесниот натпревар се одигра во Милвоки, каде што Бакс победија во со забивањето на Јанис Адетокумбо, на три секунди до крајот на натпреварот (122:121).

Гркот забележа дабл-дабл учинок од 30 поени и 10 скока.

Giannis cerró el partido con un Dunk ante Charlotte.😤💪🏀 pic.twitter.com/0wnBwTosgL

— ESPN Deportes (@ESPNDeportes) January 3, 2026