Манчестер сити ќе одигра важен натпревар за место во Лигата на шампионите, во 21:00 часот го пречекува Борнмут.

И покрај важноста на натпреварот, една од главните теми на прес-конференцијата беше неизбежното заминување на клупската легенда Кевин де Брујне.

„Постојат играчи за кои е навистина, навистина тешо да се најде замена. Од многу, многу причини. Да, го знаеме тоа. Но, сезоната што ја имавме е таква каква што е. И не можеме да го негираме тоа. И, секако, мора да продолжиме понатаму“, рече тренерот Пеп Гвардиола.

Новинарите го прашаа дали Белгиецот е човекот со најдобрите додавања што ги видел.

„Реков дека (Лионел) Меси е најдобриот (додавач) што сум го видел. Бидејќи Меси го правеше тоа многу блиску до голот. Но, Кевин е рамо до рамо со него. Само погледнете ја статистиката, головите и асистенциите во последната третина од теренот. Тој талент. Минатиот натпревар, повторно добивме две или три додавања од него каде што играчот беше еден на еден со голманот. Тоа е уникатно. Затоа тој е еден од најдобрите играчи што ги имал овој клуб во целата историја“.

Последниот натпревар во Премиер лигата, кој ќе биде и последен за Де Брујне во дресот на „граѓаните“, ќе биде во недела против Фулам.

Замислете ситуација во која учеството во Лигата на шампионите може да зависи од фрлање паричка. Во таква ситуација моѓат да се најдат Рома и Јувентус.

Јувентус моментално е четвртопласирана екипа (последното место што води во Лигата на шампионите) со 67 бода, Рома е на петтото место со бод помалку (66).

И тука работите почнуваат да се комплицираат. Имено, гол-разликата на Јувентус е 55:33, а на Рома е 54:35. Значи, постојат многу можности двата тима, по последното коло да бидат изедначени во многу параметри.

Може да се случи Рома и Јувентус фралањето паричка да реши која екипа ќе го освои четвртото место.

Ова ќе се случи само во два сценарија. Ако Јувентус загуби од Венеција со 3:0, а Рома ремизира со Торино (1:1) и Лацио не го победи Лече.

Второто сценарио е Јувентус да загуби со 4:1 од Венеција, Рома да игра 2:2 со Торино, а Лацио да не го победи Лече.

🤯 How the final UCL spot in Serie A could be decided by a… coin flip

If teams finish on the same points, this is how they’ll decide who gets it:

• points in the h2h matches
• ⁠goal difference in h2h
• ⁠goal difference in the league
• ⁠goals scored
• ⁠coin flip

This… pic.twitter.com/92BaJWBqAD

— Italian Football TV (@IFTVofficial) May 19, 2025

Како се случи да имаме потенцијално невидена ситуација во историјата на фудбалот?

Јувентус и Рома би имале по 67 бода, би имале гол-разлика која е иста 55:36 или 56:37, би имале ист број бодови, а во меѓусебните натпревари двапати ремизираа (1:1, 0:0), би имале иста гол-разлика, би имале иста гол-разлика во лигата и ист број на постигнати голови.

Неверојатно е да дојде до ова, но во фудбалот се е можно.

Австралискиот возач во Формула 1, Џек Дуан, побара да престане малтретирањето на неговото семејство откако лажна објава на социјалните мрежи погрешно му била припишана на неговиот татко. Таа објава предизвика бурни реакции.

„Ве молам престанете да ми го вознемирувате семејството. Не мислев дека ќе морам да дојдам до ова“, напиша 22-годишниот Дуан на својот Инстаграм профил, кој го следат половина милион корисници.

Дуан ја започна сезоната како возач на Алпин, но по шест трки на почетокот на мај, тој беше заменет од Аргентинецот, Франко Колапинто.

Дуан објасни дека бранот на сајбер-малтретирање дошол откако на неговиот татко, поранешниот светски шампион во мотоциклизам Мик Дуан, лажно му била припиша објава во која го исмејувал инцидентот на Колапинто за време на квалификациите за Големата награда на Емилија Ромања во Италија минатиот викенд.

„Неколку аргентински медиуми погрешно ја објавија таа монтирана слика“, додаде Дуан.

Тимот Алпин, исто така, во соопштение побара да се запре оваа кампања на вознемирување на интернет.

„Ги потсетуваме сите дека зад визирот на овие натчовечки спортисти стои личност, поединец со чувства, семејство, пријатели, најблиски“, се вели во соопштението на францускиот тим.

„Како тим, не можеме да толерираме онлајн насилство и ги повикуваме сите фанови на спортот што го сакаме да бидат љубезни и полни со почит“, се додава во соопштението.

Аргентинскиот возач ја заврши трката Имола на 16-то место, откако се изврте од патеката за време на квалификациите претходниот ден.

Следната трка во Формула 1 е овој викенд во Монако.