Драган Стојковиќ Пикси е новиот фудбалски селектор на Србија, а по долго размислување тој ја одбра и екипата на најблиски соработници во селекцијата. Тука се Саша Илиќ, Братислав Живковиќ, Горан Ѓоровиќ, Горан Чумиќ и Касухито Киноши.

Легендарниот фудбалер на белградска Црвена Звезда, тетовецот Бошко Ѓуровски за српските медиуми изјави дека поминал 6 прекрасни години со Пикси во Јапонија.

„Пикси нема да биде официјално претставен поради ситуацијата со коронавирусот. Го познавам и знам дека навистина заслужува да биде селектор. За жал, доаѓа во турбулентни времиња и сето што досега го слушнавме не оди во прилог на репрезентацијата и на ФСС“ вели Ѓуровски.

Тој смета дека Фудбалскиот сојуз на Србија без оглед на успесите влечеше непопуларни потези со што ја загуби довербата кај народот.

„Ми се чини дека ФСС нема стратегија и не е доследен. Невозможно е да се стекне доверба, а сега се поставува прашањето дали Пикси е способен да пресече и дали ќе може да направи чистка за ФСС освен добри играчи да има и добри резултати“ смета Бошко Ѓуровски.

Тој за „ТВ Вести“ исјави дека Пикси е борец, човек со победнички карактер и човек кој не се предава, што е неговата главна карактеристика.

Шпанскиот тенисер Рафаел Надал не ја почна најдобро 2021 година. Повредата на грбот го спречи да настапи на АТП купот, а поради тоа не успее ниту да влезе во самата завршница на Австралија опен.

Се лиферуваа најразлични информации за наводна мистериозна болест на коските на Шпанецот, па во меѓувреме тој ги откажа своите настапи во Ротердам, односно Акапулко.

Одлучи во изјава за бразилските медиуми да ги сопре шпекулациите за наводното негово пензионирање.

„Немам намера да одам во пензија. Додека сум здрав и способен да се натпреварувам, ќе продолжам да уживам во тенисот и тоа 100%. Така јас го гледам спортот. Најважната работа е да бидеш запамтен како добра личност, на крајот, тоа е најважно. Титули, моменти за сеќавање. Но, личноста која сте и која ќе остане во сеќавање – тоа е најважното“ – рече Надал.

Многумина сметаат дека е далеку од неговото некогашно ниво на тенис и дека тој веќе не е конкурентен за грен слем титулите.

Моментно Надал има 20 титули, исто како и Роџер Федерер, додека Новак Ѓоковиќ со последната во Мелбурн собра 18.

Надал пред бразилските медиуми зборуваше и за тоа како светската слава влијае врз него.

„Славата не влијае на моето однесување. Вистина е дека сум резервирана и повлечена личност, се навикнав на живот на Маројка, каде можам да сум обичен човек, само човек со семејство и пријатели. Свесен сум за предностите и недостатоците на славата, но се трудам да живеам нормален живот“ порача Шпанецот.

Фудбалскиот дефанзивец Жан Клер-Тодибо пред две години дојде во редовите на Барселона како еден од најталентирните светски стопери. Барса го намами со само 20 години во моментите кога за него интерес пројавуваа неколку големи европски фудбалски клубови.

Во каталонскиот клуб не успеа да се наметне, па почна со позајмиците. Најпрво во Шалке, па во Бенфика, а потоа во Ница каде е стандарден првотимец.

Французинот одлично се вклопи во тимот од Азурниот Брег и со неговите последни изјави стави до знаење дека нема намера да се враќа во Барса.

„Воопшто не ме интересира што се случува во Барселона. Повремено ќе погледам некој меч ако играат моите француски пријатели Дембеле, Ленгле и Умтити, но Барса како клуб не го следам. Моментно сум играч на Ница и потполно сум фокусиран на случувањата во Франција. Зошто би сонувал за одбраната на Барселона кога викендов играм против Рен или Ним“ – изјави Тодибо на последната прес-конференција на својот клуб.

Новинарите го прашаа што мисли – дали Барса може да се врати по оние 4-1 на ПСЖ на „Ноу Камп“ по првиот меч во ЛШ?

„Искрено, ич не ми е гајле. Можеби да, можеби не, тоа не е мој проблем. Тоа е мојот став“ – смета дефанзивецот.