Спорт
Клоп го обвини судијата за поразот од Вест Хем

Менаџерот на Ливерпул, Јирген Клоп, смета дека неколку лоши судиски одлуки приднеле за поразот на неговиот тим кај Вест Хем. „Чеканите“, славеа со 3:2 и го скокнаа Ливерпул на табелата.
„Неколку моменти го решија мечот. Вест Хем првиот гол го постигнаа откако имаше фаул над голманот. Рака на противнички играч му пречеше на Алисон. Како да ја фати топката во таква ситуација? Откако израмнивме тие се закануваа од контранапади“.
Клоп не е задоволен како неговиот тим играл во второто полувреме.
„Не игравме добро, треба подобро да ги реализираме шансите. Вест Хем се добри во контра“.
Герменецот на крајот издвоил уште еден момент кој го решил победникот.
„Кресвел грубо му ја одзеде топката на Хендерсон. Да одеше на топка, но тоа беше грубо, морате некогаш да се контролирате. Тоа се двете работи кои влијаеа врз конечниот резултат. Не барам алиби, мирен сум. Потребни се нормални одлуки на судиите“, заклучил Клоп.
Во наредното коло, Ливерпул ќе го пречека Арсенал. а Вест Хем го гостува кај Вулверхемптон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Чебет златна на 10.000 метри, Краузер неприкосновен во фрлање ѓуле

Неверојатната трка и победа на Беатрис Чебет на 10.000 метри и демонстрацијата на моќ на Рајан Краузер во фрлање ѓуле го одбележаа првиот ден од Светското првенство во Токио.
Повеќе од 65.000 луѓе ја гледаа трката на 10.000 метри за жени на Олимпискиот стадион. Кенијките Чебет и Нгетич, Етиопјанките Цегај и Таџе и Италијанката Надја Батоклети се одвоија во раната фаза на трката.
Расплетот се случи во последниот круг. Чебет, актуелната светска рекордерка и олимписка шампионка, го забрза темпото, но на општо изненадување само Батоклети ја следеше. Кенијката, сепак, имаше поголема сила и го освои светскиот трон со време од 30:37.61.
Пресреќната Батоклети беше втора, 62 стотинки зад победничката, додека Чегај, која ја бранеше круната од Будимпешта, заврши на третото место.
Рајан Краузер, светскиа и олимписки шампион и светски рекордер не фрлаше никаде цела година. Тој дојде на Светското првенство во Токио и речиси рутински победи со 22,34 метри. Дури и неговиот втор најдобра резултат 21,99 ќе му донесеше уште едно светско злато. Ова е негов трет последователен триумф на светските првенства.
Сензација на денот е Мексиканецот Узиел Муњоз, кој го освои среброто. Во последната серија го фрли ѓулето на далечина од 21,97. Италијанецот Фабри стигна до бронзата со три сантиметри полошо резултат од Мексиканецот.
Новозеланѓанецот Волш исто така имаше 21,94, но поради полоша серија, остана без медал.
Денот заврши со победа на мешаната штафетна екипа на Соединетите Американски Држави на 4 x 400 метри. Дидмонд, Ирби-Џексон, Мекивер и Холмс се искачија на највисокото скалило на подиумот со време од 3:08,80.
Во финалето, среброто и го донесе на Холандија големата Фемке Бол, додека Белгија ја освои бронзата благодарение на одличниот финиш на Елен Понет, која ја престигна Понет од Полска во фото-финишот.
Foto/ EPA
Спорт
(Видео) Волејот на Зубименди му го трасираше патот до победата на Арсенал

Фудбалерите на Арсенал рутински го победија Нотингем Форест со 3:0, во четвртото коло од Премиер лигата.
Тимот од Лондон поведе во првото полувреме, а потоа рутински ја потврди победата во второто. На клупата на Форест, неуспешно дебитираше, Ангелос Постекоглу.
Се играше 32-та минута кога Мартин Зубименди постигна еден од најубавите голови оваа сезона во Премиер лигата.
По корнерот на Мадуеке, реагираше одбраната на „шумарите“, поточно Крис Вуд, кој ја испрати топката со глава надвор од шеснаесетникот и право на ногата на Мартин Зубименти кој со волеј ја испрати зад грбот на Селс. .
Со гол предност, Арсенал отиде на пауза, а веднаш по враќањето во 46-та минута, Виктор Ѓекерес постигна гол по додавање од Ебречи Езе за 2:0.
Стрелецот на првиот гол, Зубименди, стави точка на натпреварот со асистенцијата за Ландро Тросар во 79-та минута од натпреварот.
Сенка на победата фрли повредата на Мартин Одегард кој се поврди во раната фаза на првото полувреме и мораше да го напушти теренот.
Арсенал е на првото место со девет бода, но и натпревар повеќе од другите тимови. Додека Нотингем Форест е на 11-та позиција со четири бода.
Во следната рунда Арсенал во дербито ќе го пречека Манчестер Сити, а Нотингем гостува кај Барнли.
Foto/ EPA
Спорт
Бецеки победи во спринт трката во Мизано

Марко Бецеки возачот на Априлија го освои спринтот во Сан Марино. На патакета во Мизано, Бецеки победи пред Алекс Маркез (Гресини Дукати) и Фабио Диџанантонио (ВР46). Лидерот во генералниот пласман, Марк Маркез со својот Дукати не ја заврши трката.
Бецеки трката во Мизано ја стартуваше од пол-позицијата, успеа да ја задржи на стартот, пред Марк Маркез кој се проби од четвртата на втората позиција. Зад нив беа Диџанантонио и Фабио Квартараро.
Квартараро со својата Јамаха излета од патеката во петтиот круг, позицијата му ја препушти на Франко Морбидели (В46).
Шестиот круг беше клучен за трката. Најпрвин Маркез го мина Бецеки, а во истиот круг лидерот во вкупниот пласман, излета од патеката.