Спорт
Клоп: На Солскјер не му се потребни совети
Иако Оле Гунар Солскјер има само две лигашки победи со Манчестер јунајтед оваа сезона, менаџерот на лутите ривали Ливерпул, Јирген Клоп инсистира дека не му се потребни никакви совети како да си ја врши својата работа.
Додека Јунајтед има историски најслаб старт во ерата на Премиер лигата, Ливерпул во недела на „Олд Трафорд“ пристигнува со осум победи во осум меча и со предност од 15 поени пред Јунајтед.
„Совет? Не му е потребен. Тој е во тој клуб веќе 10 или 15 години. Беше таму како фудбалер, сега е како тренер и знае сè што му е потребно. Има искуство како тренер. Знам дека многумина сметаат дека треба да бидеш тренер во голем клуб за да ги научиш работите, но тоа не е вистина. Тој само треба да си разработи својата работа. Така беше и со мене. Затоа многу менаџери добиваат отказ, некој губи трпение. Од моја гледна точка, тој е среден таму, а сите знаеја дека ќе им биде тешко. Никој не губи од тебе само бидејќи си Ливерпул или Манчестер јунајтед. Од друга страна, кога играат против вакви тимови, другите тимови влегуваат помотивирани. Не верувам дека треба да се грижите за Оле. Тој има шанса да победи, а нашето е да го спречиме“, вели Клоп.
Откако беше побарано да ја спореди ситуацијата на Солскјер со таа која ја имаше тој на почетокот на кариерата во Ливерпул, Клоп беше јасен.
„Немам идеја каква е неговата ситуација, бидејќи не е важно што пишуваат новинарите ,туку што му кажува бордот, Ед Вудвард и семејството Глејзер. Јас би сакал секој тренер да има време да ги спроведе своите идеи, но не е можна споредба. Во Манчестер јунајтед никој не сака да чека за успех, истото е во секој голем клуб“, додава Клоп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.