Специјализираниот портал за бокс „BoxRec“ го прогласи Флојд Мејведер за најдобар боксер во историјата. Мејвејдер во кариерата не загубил ниту еден меч. во пензија замина со 50 победи.

Совршената статистика, 50 борби и ниту еден пораз биле доволни за уредниците на порталот да му ја доделат круната на Мејвејдер. Сепак нивниот избор на десетмината најдобри во историјата ќе предизвика многу коментари бидејќи во Топ 10 на сите времиња нема место за боксерските икони Роки Марчано, Мајк Тајсон, Ивандер Холифилд, Џо Фрејзер, Џорџ Форман…

Зад Мејвејдер на второто место се наоѓа легендарниот Филипинец Мани Пакјао кој во кариерата има 62 победи и седум порази. На третото место е Карлос Монзон, а дури на четвртото место доаѓа боксер од тешката категорија. Четврти е Мохамед Али (56 победи, пет порази), а петти Шугар Реј Робинсон кој во кариерата имал неверојатни 174 борби.

Во Топ 10 уште се Бернард Хопкинс (55-8-2), Џо Луис (66-3-0), Арчи Мур (186-23-10), Оскар де ла Хоја (39-6-0) и Хулио Цезар Чавез (107-6-2).

Јувентус е заинтересиран за Маркус Турам од Борусија Менхенгладбах. Маркус е син на поранешниот фудбалер на „старата дама“, Лилијам Турам.

Младиот Турам оваа сезона игра одлично, како и целиот тим кој се бори за пласман во Лигата на шампионите. Тој го привлече вниманието на неколку врвни европски клубови, а според шпекулациите, најзаинтересирани се од Јувентус.

Младиот Турам минатото лето од Генган се пресели во Борусија за девет милиони евра. Се претпоставува дека минималната цена на 23-годипшниот напаѓач сега изнесува 25 милиони евра.

Таткото на Турам го носеше дресот на Јувентус од 2001 до 2006 година.

Покрај Јувентус, од Серија А за Турам биле заинтересирани Интер, Рома и Фиорентина.

Американецот Малком Дилејни потпиша двегодишен договор со кошаркарскиот клуб Армани Милано. 31-годишниот кошаркар минатата сезона го носеше дресот на Барселона.

Искусниот плејмејкер во Европа пристигна во 2011 година во Шалон, потоа играше за Будивељник, Баерн, Локомотив Кубан и Барселона. Две сезони, од 2016 до 2018 година, беше во САД и Кина, во Атланта хокс, односно Гундонг.

Минатата сезона во Евролигата Дилејни во просек бележел по 10 поени и 4,3 асистенции по натпревар.