Спорт
Клоп не е задоволен: Бесконечните пари создаваат проблеми за сите
Менаџерот на Ливерпул, Јирген Клоп вели дека не е само неговиот тим кој има проблем со „бесконечните пари“ на пазарот на играчи, откако Челси успеа да му ги „грабне“ веќе договорите засилувања во Моисес Каиседо и Ромео Лавија.
Двата фудбалери од средниот ред го одбија Ливерпул за преселба под подобри услови во Челси. Каиседо имаше личен договор со Челси од мај, и замина во Лондон и покрај тоа што Ливерпул и Брајтон го договорија трансферот од 115 милиони фунти, додека Лавија призна дека не му се допаѓала понудата од „црвените“ бидејќи го сметале како „бекап“ опција.
Клоп вели дека не е потешко да се убедат фудбалерите во амбициите и целите на Ливерпул ова лето, но дека проблемот е во „бесконечните пари“ на фудбалскиот пазар.
„Има многу работи кои се поинакви, некои клубови имаат поинаков начин на склопување на договори и тоа функционира. Како нормален клуб, тешко е да се стигнат. Тоа не е мој проблем, туку е едноставно таква ситуација. Саудиска Арабија, покрај тоа, не ги направи работите полесни за сите нас. Кина се обиде, САД уште се обидува. Бесконечните пари создаваат проблем за сите. Би било добро некој да има решение. Работите станаа потешки, но не во тоа да се убедат играчите да дојдат во Ливерпул. Само треба да бидеете сигурни дека одите по вистинските. Јас сум среќен со трансферот ова лето, и ќе продолжиме со тоа да се обидеме да направиме најдобри одлуки за доброто на клубот“, вели Клоп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Тиквеш го освои Купот на Македонија
Foot/ ffm.mk
Фудбалерите на Тиквеш испишаа историја и за прв пат во историјата го освоија Купот на Македонија. Исто така, оваа победа им овозможи на кавадарчани првпат да учествуваат во европските купови, тие ќе играат во квалификациите во Конференциската лига.
Во финалето кое се одигра на Националната Арена националниот стадион „Тодор Проески“ во Скопје ја совлада Воска Спорт со 2:1.
Тиквеш поведе преку Кристијан Стојкоски, кој постигна одличен гол од слободен удар во 41. минута.
Tikves markiert in der 41. Minute das 1:0 per Freistoß https://t.co/nOamIuabKS pic.twitter.com/GoNMIrOQ4K
— Makedonien.mk (@makedonien_mk) May 22, 2024
По еден час игра, Бразилецот Луан Силва зголеми на 2:0, за голема радост на 10.000 навивачи кои од Кавадарци дојдоа во главниот град да го бодрат својот тим.
#Tikves erhöht in der 59. Minute nach Eckball auf 2:0 https://t.co/ZgXE2lTKNk pic.twitter.com/pneNaK7TJI
— Makedonien.mk (@makedonien_mk) May 22, 2024
Голот за надеж за Воска го постигна Никола Саркоски во 77. минута, но охриѓани немаа сили да се вратат во мечот.
Со ова Тиквеш ја заокружи најуспешната сезона во клупската историја, во првенството овој тим го освои четвртото место.
Спорт
(Видео) Гасперини го надмудри Алонсо, Лукман со хет-трик го растури Баер, Аталанта ја освои Лига Европа
Фудбалерите на Аталната го освоија првиот европски трофеј во клупската историја. „Ла Деа“, во финалето во Даблин, го победи Баер Леверкузен со 3:0. Хет-трик постигна Адемола Лукман, кој го совлада Ковар во 12., 26. и 75.минута. Аталанта со победата во финалето стави крај на европскиот рекорд на Баер, играчите на Чаби Алонсо до овој меч немаа пораз на 51 натпревар.
Спорт
Борусија сите вработени ќе ги носи на финалето со Реал
Борусија Дортмунд на 1 јуни на „Вембли“ ќе го игра финалето од Лигата на шампионите против Реал Мадрид, а челниците на германскиот тим покажаа зошто популарните „милионери“ се голем клуб и колку се грижат за луѓето, кои се дел од целиот проект.
Сите вработени во клубот, на број се 519, ќе бидат специјални гости на мечот за највредниот трофеј во клупскиот фудбал. Сите трошоци ќе бидат на товар на Борусија.
На трибините ќе бидат сите од хигиеничарките до директорите.
На овој начин клубот сака да изрази благодарност за сето она што го прават секојдневно и придонесуваат за успехот на Борусија.
Освен тоа, „милионерите“ во Лондон ќе ги однесат сите членови на нивната младинска школа од 12 до 19 години, за да бидат дел од големиот спектакл.
Борусија Дортмунд последен пат беше во финалето на Лигата на шампионите во 2013 година кога токму на „Вембли“, загуби од Баерн (2:1).