Спорт
Клоп: Сакаме Салах да остане во Ливерпул

Менаџерот на фудбалерите на Ливерпул, Јирген Клоп, рекол дека дошло до напредок во преговорите помеѓу клубот и најдобриот играч, Мохамед Салах.
Салах, има договор со Ливерпул, до јуни 2023 година. Не одамна тој изјави дека за новиот договор нема никакви мегаломански барања.
„Сакам да останам, но јас не сум тој што одлучува. Се е во нивни раце. Не барам никакви луди работи“, рекол Салах.
Менаџерот, Клоп, на денешната прес конференција, ја коментирал изјавата на Салах.
„Во денешно време опасно е да се даваат интервјуа. Ние знаеме, јас знам што сака Мо. И ние сакаме да остане. Но, за да се реализираат некои работи едноставно е потребно малку време. За сега преговорите одат добро“, истакнал Клоп и дополнил.
„Многу теми има во преговорите. Постои и трета страна, а тоа е менаџерот. Но нема причина да бидеме загрижени, станува збор за една нормална процедура“.
Ливероул, утре, против Арсенал, ќе го одигра првиот полу-финален меч во Лига купот. Салах нема да игра, исто како и Садио Мане. Овие двајца се со своите репрезентации на Африканскиот куп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Обамејанг шоу против Гамбија – Постигна четири гола и доби црвен картон

Со убедлива победа на гости против Сејшелите, фудбалерите на Брегот на Слоновата Коска се доближија до пласман на Светското првенство, кое ќе се одржи во САД, Мексико и Канада од 11 јуни до 19 јули следната година.
Брегот на Слоновата Коска се први на табелата во групата Ф, попладнево победија со 7:0 против Сејшелите со головите на Сангаре (7-11м), Агбаду (17), Диаките (32), Гесанд (39), Диоманде (55), Адингра (67) и Кеси (90).
„Слоновите“ сега имаат 23 бода, еден повеќе од Габон, кој ја победи Гамбија со 4:3 како гостин во натпревар полн со пресврти. Габон водеше со 1:0 и 2:1, Гамбија направи пресврт на 3:2, но на крајот Габон сепак победи со 4:3.
Сите четири гола за Габон ги постигна ветеранот Пјер-Емерик Обамејанг (20, 42, 62, 78), но беше исклучен во 85-та минута поради втор жолт картон, додека стрелци за Гамбија беа Минтех (23) и Сидибех (45+2, 47).
За четири дена, Брегот на Слоновата Коска ќе има можност да го обезбеди Светското првенство со победа дома против Кенија, додека Габон, со победа против Бурунди, ќе мора да чека кикс на „Слоновите“, за да го обезбеди своето историско прво патување на Светското првенство.
Спорт
Младата репрезентација со пресврт до победа над Ерменија

Младата македонска фудбалска репрезентација ја забележа првата победа во квалификациите за пласман на Европското првенство во 2027 година.
Попладнево во Скопје, Македонија ја победи соодветната селекција на Ерменија со 2:1. Херој на победата беше стрелецот на двата гола, Димитар Трајков.
Македонските надежи со пресврт во второто полувреме дојдоа до првите бодови во Е групата. Ерменците имаа предност од 38-та минута кога погоди Ховханисијан.
Пресвртот го режираше напаѓачот на Работнички, Трајков, со головите во 54-та и 83-та минута.
Фото/ Фудбалска федерација на Македонија
Спорт
(Видео) Бразил ја декласира Јужна Кореја

Бразилската фудбалска репрезентација ја победи Јужна Кореја со 5:0 во пријателски натпревар одигран во Сеул.
Екипата на Карло Анчелоти ја демонстрираше својата сила против една од најдобрите азиски селекции.
Двојни стрелци за „селесао“ беа Естевао (13, 47) и Родриго (41, 49), додека еден гол постигна Винисиус Жуниор (77).
Со играта, Бразил потсети на најдобрите денови на оваа репрезентација, Родриго, Естевао, Куња, Винисиус правеа што сакаат на теренот.
Foto/ EPA