Спорт
Клоп се откажа од борбата за англиската титула
![](https://makfax.com.mk/wp-content/uploads/2022/10/680461.jpg)
Арсенал го совлада Ливерпул со 3:2 во деветтото коло од Премиер лигата и се врати на првото место на ВТА. Ливерпул, кој од почетокот на сезоната доживува голема криза, моментално, на табелата е на десеттото место со дури 14 бода помалку од водечкиот Арсенал.
По лошиот влез во сезоната, менаџерот Јирген Клоп, тврди дека се откажал од борбата за шампионската титула.
„Се откажав. Не е интересно. Само ако се случи некое чудо во следните неколку месеци и сите почнат да губат и ние почнеме да победуваме. Тоа би било вистинското нешто. Можеме да зборуваме за тоа, но тоа навистина не е наш проблем. Мора да најдеме начин во континуитет да играме добро, тоа засега не се случува“, рекол Германецот.
По осум одиграни натпревари, Ливерпул има две победи, четири нерешени и два порази. Во последните три првенствени натпревари немаат победа, а во следното коло гостуваат кај Манчестер сити. Пред дербито, Ливерпул ќе игра во Глазгов со Ренџерс во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва
Спорт
Најгледаната екипа во Евролигата
![](https://makfax.com.mk/wp-content/uploads/2024/06/partizannn.jpg)
Кошаркарите на Партизан повторно се најдоа меѓу најгледаните екипи во Евролигата.
Црно- белите се на врвот по овој параметар, иако во оваа сезона тимот на Жељко Обрадовиќ немаше одлична сезона, тие беа меѓу најпопуларните екипи, ако не и најпопуларна.
Во однос на другите параметри, тие беа на врвот по гледаност, со оглед на бројот на навивачи и бројот на продадени влезници.
Кошаркарскиот клуб повторно покажа дека е една од најпопуларните екипи во најквалитетното натпреварување во Европа.
Останува да видиме каква ќе биде ситуацијата следната сезона, поточно дали трендот на вакви бројки ќе продолжи да расте.
Спорт
Егото на големиот Роналдо
Португалија очекувано ја помина својата група како првопласирана, доминираше во сите три одиграни натпревари, па дури и успеа да ги одмори најважните играчи пред втората фаза.
Сепак, нешто сè уште не е јасно
Против Чесите победата беше остварена со голем број на прекини, додека поразот од Грузија иако резултатски незначаен, донесе нервоза во португалските редови.
Тоа јасно го покажа Роналдо кога го шутна шишето при замената на крајот од третиот натпревар.
Со оглед на неговиот натпреварувачки дух, беше доволно да започнат приказни за неговото лошо влијание врз репрезентацијата полна со таленти.
Па оттука неговото присуство на теренот често се покажуваше како контрапродуктивно.
Затоа, успехот на Португалија може да зависи и од соработката на Роналдо со тимот, како што беше случајот со третиот гол против Турција, кога тој несебично играше со Фернандез.