Мајнц приредија вистинско узненадување во Бундес лигата со победата над Лајпциг во 18.коло. Во оваа рунда, Волфсбург во дербито победи во Леверкузен, а Ајнтрахт Франкфурт „пукнаа петарда“ во мрежата на Арминија.

Мајнц со втората победа во сезоната, најавија дека жестокот ќе се борат за опстанок во Бундес лигата. Претпоследниот тим на табелата со 3:2 го победи второпласираниот Лајпциг.

Лајпциг два пати имаа предност во првото полувреме, со головите на Адамс и Халстенберг, која со своите голови ја поништуваше Нијакате. Голема победа за Мајнц обезбеди Бариеро со голот во 50.минута.

Ајнтрахт во Билефелд ја декласира Арминија со 5:1. Натпреварот го обележа српскиот репрезентативец Костиќ со гол од 25 метри и асистенција. Точка на натпреварот стави позајмениот играч од Реал Мадрид, Јовиќ.

Баер Леверкузен го забележа третиот пораз на последните пет натпревари. „Фармацевтите“, загубија од директниот конкурент за висок пласман, Волфсбург. Голот на Баку во 35.минута го реши победникот. Двата тима сега имаат по 32 бода и се наоѓаат на делба на третата позиција во лигата.

Натпреварите Аугсбург-Унион Берлин и Фрајбург-Штутгарт завршија со победи 2:1 на домашните тимови.

Ракометната легенда, еден од најдобрите десни бекови во историјата на овој спорт, Кирил Лазаров, во опширно интервју за подкастот на ракометниот сојуз на Хрватска, говори на многу теми.

Лазаров со Македонија се наоѓа во Египет на СП. Десниот бек седми пат во кариерата е учесник на еден Мундијал. На 27.Светско првенство, Македонија потфрли со играта и резултатите.

Во досегашниот тек од првенството Лазаров и екипата забележаа победа само над Чиле, а доживеа порази од Шведска, Егпипет, Словенија и Русија.

„ Знам дека цела Македонија тагува од нашите убедливи порази. Верувајте ниту мене не ми е лесно. Кај нас е смена на генерациите, но и покрај тоа мораме да се бориме до крај. Можеби ова СП е добро за нас, го допревме дното и имаме шанса со добра стратегија да почнеме да напредуваме“.

Фудбалскиот клуб Ливерпул, во летниот преоден рок, ќе остане без една голема ѕвезда. Англиските медуми, повикувајќи се на „Еуроспорт“, тврдат дека Јирген Клоп ќе мора да избера помеѓу Вирџил Ван Дајк и Мохамед Салах.

Командантот на одбраата и најдобриот стрелец се ближат кон моментот кога ќе треба да ги продолжат договорите. „Еуроспорт“, објави дека Ливерпул има одредени финансиски проблеми и дека на само еден од нив ќе може да му понуди богат договор.

Каљко сега стојат работите во клубот, многу веројатно е дека Салах ќе го напушти клубот.