Спорт
Кој е најдобриот НБА -играч што не освоил шампионски прстен?

Има голем број одлични НБА-играчи кои во своите кариери не стигнале до најголемото одличие во лигата – шампионскиот прстен.
Полемики се воделе и се водат кој од овие играчи заслужил да стигне до подиумот. Еве кои се дваесетте играчи, кои според одредени критериуми би требало да се рамо до рамо со ѕвезди од калибарот на Мајкл Џордан, Коби Брајант, Леброн Џејмс…
1 – Карл Мелоун – беше дел од Јута Џез и во 1997 и 1998 губеше во финале од Чикаго Булс, а во финалето во 2004 „џезерите“ загубија од Детроит Пистонс;
2 – Чарлс Баркли – играше само едно финале, во 1993, но секогаш беше дел од најдобрите играчи во својата генерација;
3 – Џон Стоктон – со Јута, заедно со Мелоун, двапати (1997 и 1998) губеше од Булси на Џордан, Пипен;
4 – Ален Ајверсон – ѕвездените моменти ги помина во Филаделфија 76-ките;
5 – Патрик Јуинг – големиот центар на Орландо, Сиетл и Њујорк никс губеше во финалињата во 1994 и 1999 година;
6 – Дражен Петровиќ – еден од најдобрите од Европа кои некогаш играле во НБА. Во 1990 година загуби финале со Детроит Пистонс;
7 – Реџи Милер – еден од најдобрите шутери на сите времиња, со Индијана Пејсерс загуби во финалето во 2000 година од Лејкерси;
8 – Стив Неш – еден од најдобрите плејмејкери на својата генерација, имаше пех што Феникс Санс не беше доволно добар за да игра за титулата;
9 – Винс Картер – според многумина, најдобриот забивач на сите времиња, во НБА помина 22 сезони, 8 пати беше на олстар, но не стигна до прстенот;
10 – Џејмс Харден – сè уште е еден од најдобрите во НБА, активен е, останува да се види дали со Хјустон Рокетс ќе успее да се искачи на највисоката скала.
Во ова избрано друштво има место и за Шон Кемп, Пени Хардавеј, Доменик Вилкинс, Трејси Мегреди, Дикембе Мутомбо, Крис Пол, Крис Вебер, Кармело Ентони, Јао Минг и Расел Вестбрук.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пеко полека го губи трпението со Дукати

Италијанскиот возач на Дукати во шампионатот на Мото ГП, Франческо Бањаја, испрати порака до лидерите на својот тим дека полека го „губи трпението“.
Франческо Бањаја е двократен светски шампион во Мото ГП и прв возач по Кејси Стонер кој му го донесе шампионскиот трофеј на „црвениот“ италијански тим.
Оваа сезона, Пеко вози многу послабо отколку во претходните години, додека неговиот тимски колега, Марк Маркез назапирливо ита кон шампионската титула во Мото ГП.
Бањаја стартуваше од третата позиција во Австрија и заврши на скромната осма позиција, додека Маркез стартуваше од четвртото место и победи во Шпилберг.
Франческо верува дека проблемот не е во него и неговото возење и му порача на Дукати:
„Сè што се случува цела година се случи на трката во недела. Се борам и давам се од себе, но овој пат тоа значеше позиција број осум. Победникот на трката победи со време со кое победив јас минатата година. Имам тој потенцијал. Не знам зошто ништо не ми функционира. Марко Бецеки и Марк Маркез прават сè подобро од мене. Доцнев 12 секунди на патека каде што секогаш правев разлика и не го разбирам тоа, навистина не го разбирам. Се обидував но сите ме заобиколуваа во кривините. Дукати мора да ми го објасни тоа, но ми снемува трпение“, рече искрениот Франческо Бањаја.
Спорт
„Новак е најголемиот спортист во историјата“

Трикратниот вицешампион на Гренд слем турнирите, Каспер Руд е убеден дека Новак Ѓоковиќ е најголемиот… не тенисер, туку и спортист на сите времиња.
Руд и Ѓоковиќ се сретнаа во финалето на Ролан Гарос, кога Новак победи во три сета, а вкупниот резултат меѓу нив е 5-1.
„Новак е најголемиот спортист во историјата. Не сакам да споредувам спортови, бидејќи е глупаво, но ако го споредите Новак со Том Брејди, на пример… Брејди е Г.О.А.Т, да не ме разберете погрешно, но атлетски, Новак би го скршил на повеќето физички тестови…“ вели Руд, сега 12-ти на АТП листата, и додава:
„Добро, Леброн можеби ќе го „растури“ Новак во некои физички аспекти, но за мене, Новак е најголемиот спортист што некогаш живеел.“
Ѓоковиќ и Руд наскоро ќе се сретнат во Њујорк, каде што ќе се игра последниот Гренд слем во сезоната од 24 август.
Ждрепката е закажана за четврток.
Спорт
Шефот на Мекларен: Ферстапен е во право

Андреа Стела, шефот на Мекларен во Ф1, рече дека Макс Ферстапен бил во право кога зборувал за „папаја“ тимот.
Оваа сезона, како што сите очекуваа, Мекларен е најдоминантниот тим со 11 победи во 14 одржани трки и тие имаат значителна предност и во битката за титулата кај возачите и конструкторите.
Со десет трки што остануваат до крајот на сезоната, Мекларен се чини дека има сè во свои раце за двојна круна, а Ферстапен неодамна тврдеше дека „папаја тимот“ има голема предност во кривините.
„Тоа е едноставно лесен одговор кога ќе ги погледнете податоците. Само споредете ги брзините на кривините (бавни и средни брзини) и ќе видите колку е брз Мекларен. Значи, Макс Ферстапен е во право“, рече Андреа Стела.
И покрај нивната доминантна позиција, шефот на Мекларен вели дека до успехот нема да дојдат по пократок пат.
„Сè уште имаме слаби точки. Да ги погледнеме кривините каде што влегувате со голема брзина, како Копс во Силверстоун или Пуон во Спа. Не сме најбрзи. Сепак, ги знаеме кривините каде што се освојуваат титули и таму сме најбрзи“, рече Стела.