Фудбалскиот репрезентативец на Хрватска, Иван Ракитиќ (32), во интервју за шпанскиот „Ел Паис“ изјави дека сака да игра за Барселона и во следната сезона и дека освојувањето на Лигата на шампионите би ги покрило сите лоши работи сезонава.

„Отсекогаш сум велел дека сакам. Не треба да размислувам поинаку. Секој што ме познава знае дека сакам да играм, тоа е она што го сакам. Имам голема почит кон сите. Не сакав да се ставам пред другите или да направам нешто што може да создаде лоша атмосфера во групата“ вели Ракитиќ кој сезонава настапи на 41 натпревар и имаше учинок од 4 асистенции и 1 гол.

Хрватот смета дека неговата работа на теренот не се забележува, па славата оди кај напаѓачите.

„Кога некој не го гледа натпреварот, тој подоцна прашува како заврши и кој постигнал гол. Тој не прашува кој игра добро, кој спасил гол, одзел најмногу топки. Но, во тимот секој има своја улога. Би сакал да дриблам како Меси или да постигнувам голови како Суарез, но ова е Барса и сите имаат свои квалитети. Јас сум тука да помогнам, да трчам, да придонесувам колку што можам во нападот и во одбраната“ вели фудбалерот кој на „Ноу Камп“ пристигна летото 2014 година.

Ракитиќ даде свој коментар и за тренерот Кике Сетиен кој седна на клупата во јануари годинава, и оттогаш Барса испадна од Купот и ја загуби титулата шампион на Шпанија од најголемиот конкурент – Реал Мадрид.

„Тренерот дојде во јануари, директно на натпревар. После тоа бевме затворени во куќи заради коронавирусот. Ова е истата група на играчи, само со неколку нови фудбалери, така што мора да останеме позитивни бидејќи сè што постигнавме порано беше затоа што се држевме заедно. Ние се обидуваме да ја одземеме топката од противникот што е можно поскоро, но пред нивниот гол, затоа што можеме да нанесеме многу штети со нашите напаѓачи. Неопходно е да работиме заедно, во координација, затоа што во случај кога противникот ќе се спротивстави, треба да трчаме 70 метри назад. И тука имаме проблеми. Треба да бидеме поагресивни и попаметни“ – рече Ракитиќ.

Пилотот на Мерцедес, Финецот Валтери Ботас имаше најдобро време на денешната прва слободна тренинг сесија пред неделната петта сезонска Ф1 трка на патеката „Силверстоун“ за ГН на Велика Британија.

И минатиот викенд трката се одржа на истата патека, а на неа триумфираше Луис Хамислтон (Мерцедес). Промена на календарот во Ф1 имаше поради пандемијата на коронавирусот.

Денеска второ најдобро време забележа минатонеделниот победник Хамилтон. Британецот имаше 0.138 секунди послабо време од својот тимски колега.

Трето време имаше пилотот на Ред Бул, Холанѓанецот Макс Ферстапен. Тој заостана 0.727 секунди зад најдоброто време денеска.

Here's how FP1 finished 👀#F170 🇬🇧 #F1 pic.twitter.com/Gi4AQaKSay

— Formula 1 (@F1) August 7, 2020

И холандската тенисерка, Кики Бертенс (28) реши да не се натпреварува на годинешното Отвореното првенство на САД, поради опасноста од зарази и пандемијата на коронавирусот. Бертенс својата конечна одлука ја соопшти на социјалната мрежа Инстаграм.

„По многу размислување, решив да не одам во САД на отворените турнири во Синсинати и Њујорк. Ситуацијата околу Ковид 19 сè уште е толку загрижувачка што здравјето на сите е на прво место и контролата врз овој вирус е очигледно приоритет. Нашиот премиер вчера исто така посочи дека треба да бидеме во карантин две недели по САД. Секако, ние го почитуваме ова како тим, а тоа би ги попречило подготовките за моите омилени турнири во Рим и Париз. Се надевам дека ситуацијата наскоро ќе заземе позитивен пресврт и на сите им посакувам добро здравје“ напиша Бертенс.

View this post on Instagram

Na lang nadenken heb ik besloten niet naar Amerika te gaan voor de toernooien Cincinnati en Us open. De situatie rond COVID-19 is nog dusdanig zorgwekkend dat de gezondheid van iedereen voorop staat en de controle over dit virus uiteraard prioriteit heeft. Zo heeft onze premier gisteren ook aangegeven dat we na Amerika 2 weken in quarantaine zouden moeten. Uiteraard respecteren wij dit als team en zou dit de voorbereiding voor mijn geliefde gravel in Rome en Parijs in de weg zitten. Ik hoop dat de situatie snel een positieve wending zal krijgen en wens iedereen een goede gezondheid toe # after long consideration I have decided not to go to the states for Cincinnati and the Us open. The situation around COVID-19 is still that worrying and the health of everyone and the control over this virus is priority. Our prime minister indicated yesterday that we should be quarantined for 14 days after coming back from the states. Off course we respect this as a team and this would disturb our preparation for my beloved clay court tournaments in Rome and Paris. I hope the situation will soon take a positive turn and wish everyone good health. Take care!

A post shared by Kiki Bertens (@kikibertens) on Aug 7, 2020 at 4:31am PDT

Освен Бертенс, досега учеството го откажа и првата на ВТА листата, Ешли Барти, а на машкиот турнир сигурно ќе ги нема Рафаел Надал и Роџер Федерер.

Инаку САД Опен треба да се одржи 31 август до 13 септември.